كەزدەسۋ بارىسىندا قازاقستاننىڭ ازاماتتىق اليانسى ستراتەگيالىق دامۋىنىڭ باسىم باعىتتارى, مەملەكەتتىك ورگانداردىڭ ۇەۇ-مەن ءوزارا ءىس-قيمىلى مەن ىنتىماقتاستىعىن جانداندىرۋ, ازاماتتىق قوعامنىڭ دامۋ بولاشاعى, IX قازاقستان ازاماتتىق فورۋمىن ۇيىمداستىرۋ جانە باسقا دا وزەكتى ماسەلەلەر تالقىلاندى.
«مەملەكەت باسشىسى قاسىم-جومارت توقاەۆ سايلاۋالدى باعدارلاماسىندا قوعامدىق ديالوگتى نىعايتۋدىڭ جانە «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋدىڭ ماڭىزدىلىعىن اتاپ ءوتتى. وسى جاعدايدا ازاماتتىق اليانس پەن ونىڭ قۇرامىنا كىرەتىن ۇيىمدار بىزگە بەلسەندى قولداۋ بىلدىرەدى دەپ سەنەمىز», - دەپ اتاپ ءوتتى ايدا بالاەۆا.
كەزدەسۋ قورىتىندىسى بويىنشا مەملەكەتتىك ورگاندار مەن ازاماتتىق قوعام اراسىنداعى قوعامدىق ديالوگ پەن جۇيەلى كوممۋنيكاتسيانى دامىتۋ بويىنشا ءوزارا ءىس-قيمىلدىڭ نەگىزگى باعىتتارى ايقىندالدى.
