كارانتين كەزىندە سولتۇستىك قازاقستاننىڭ 8 مىڭعا جۋىق تۇرعىنى جەكە باستى كۋالاندىراتىن قۇجاتتاردى دەر كەزىندە رەسىمدەي المادى. ولاردىڭ 1700-دەن استامى 16 جاسقا تولعان وبلىس تۇرعىندارى, ياعني وزدەرىنىڭ العاشقى جەكە كۋالىكتەرىن الۋشىلار. سقو پد كوشى-قون قىزمەتى باسقارماسى اتاپ وتكەنىندەي, اتالعان ازاماتتارعا اكىمشىلىك شارالار قولدانىلمايدى. 18 مامىردان باستاپ ولار حالىققا قىزمەت كورسەتۋ ورتالىعىندا قۇجاتتارىن رەسىمدەي الادى. «جارامدىلىق مەرزىمى توتەنشە جاعداي كەزىندە وتكەن جانە ول توقتاتىلعان كۇننەن باستاپ 60 كۇنتىزبەلىك كۇن ىشىندە جەكە باستى كۋالاندىراتىن قۇجاتتار جارامدى دەپ تانىلادى. مەرزىمى وتكەن قۇجاتتاردى 10 شىلدەگە دەيىن اۋىستىرۋ قاجەت», - دەيدى سقو كوشى-قون قىزمەتىنىڭ باسقارماسىنىڭ باستىعى پوليتسيا پودپولكوۆنيگى تالعات ءابىلوۆ.
13 مامىردا كوشى-قون قىزمەتى ورتالىعى, سونداي-اق كوشى-قون قىزمەتىنىڭ اۋماقتىق بولىنىستەرى بارلىق سانيتارلىق نورمالارعا سايكەس بۇرىنعى رەجىمدە جۇمىس ىستەي باستادى, سونىمەن بىرگە بەلگىلى ءبىر مەملەكەتتىك قىزمەتتەردى قاي ۋاقىتتا الۋعا بولاتىنى كورسەتىلگەن كەستە جاسالعان.
تج رەجىمى كەزەڭىندە بەلگىلەنگەن مەرزىمدە ەلدەن كەتە الماعان شەتەلدىكتەرگە قانداي دا ءبىر شارالار قولدانىلمايدى. سقو-دا وسىنداي جاعدايدا كارانتين ۋاقىتىندا 1500-گە جۋىق شەتەلدىك قالعان. ولار 10 شىلدەگە دەيىنگى مەرزىمدە قوسىمشا قۇجاتتاردى رەسىمدەمەي-اق قازاقستاننان شىعا الادى. ال قازاقستاندا قالۋدى جوسپارلاعاندار ءوزىنىڭ قۇقىقتىق مارتەبەسىن رەتتەۋىنە, ونىڭ ىشىندە قر-دا ۋاقىتشا تۇرۋعا ارنالعان رۇقساتتى رەسىمدەي الادى. جوعارىدا اتالعان 87 ادام سونىڭ ىشىندەگىلەر ەكەن.
سولتۇستىك قازاقستان وبلىسى
