ايماقتار • 16 مامىر، 2020

شىعىس قازاقستان: اسقار مامين ابايدىڭ 175 جىلدىعىنا دايىندىق بارىسىمەن تانىستى

24 رەت كورسەتىلدى

اباي الاڭىندا اۋقىمدى جوندەۋ جۇمىستارى باستالعان.

پرەمەر-مينيستر سەمەي قالاسىنىڭ الەۋمەتتىك-ەكونوميكالىق دامۋىمەن تانىستى جانە اباي قۇنانباي ۇلىنىڭ الداعى مەرەيتويىنا دايىندىق ءجۇرىپ جاتقان نىسانداردى ارالاپ كوردى. بۇل تۋرالى سەمەي اقپاراتتىق ورتالىعى حابارلادى.

قازىر قالاداعى اباي الاڭىندا اۋقىمدى جوندەۋ جۇمىستارى باستالعان. الاڭنىڭ بەينەسى تولىعىمەن وزگەرەدى. جوبا بويىنشا بورديۋرلەردى جاڭارتۋ، ويشىلدىڭ قۇرمەتىنە ارنالعان ەسكەرتكىشتى جارىقتاندىرۋ قاراستىرىلعان. سپورت جانە بالالار الاڭدارى، اۆتوكولىكتەرگە ارنالعان تۇراق، سۋبۇرقاق سالىنادى. مەردىگەر «فيرما ازيا» جشس بارلىق جۇمىستار شىلدە ايىنا دەيىن اياقتالاتىنىن ايتادى.

اباي تەاترى اباي قۇنانباەۆتىڭ 175 جىلدىق مەرەيتويىنا دايىندىق جۇمىستارىن جۇرگىزۋدە. جوندەۋگە بىلتىر قارجى بولىنگەن. ابايدىڭ 175 جىلدىعىنا وراي ەڭ ماڭىزدى ءىس-شارالار سەمەي تەاترىندا وتەدى.

تەاتردىڭ ءىشى دە وزگەرەدى. ەكىنشى قاباتتىڭ فويەسى باسقاشا كورىنىپ، كورەرمەندەر زالى دا وزگەرەدى. اباي مەرەيتويىنا وراي تەاتر ارتىستەرى جاڭارتىلعان ساحناعا شىعاتىن بولادى. قازىرگى ۋاقىتتا جۇمىسشىلار جاڭا جابىندى ورناتۋدا. دايىندىق بولمەلەرىندە دە، اكىمشىلىك قاناتىندا دا جوندەۋ جۇمىستارى باستالدى.

ۇكىمەت باسشىسى ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۇراجايىنا دا باردى. اسقار مامين قاراعايلى ىقشاماۋدانىندا ءجۇرىپ جاتقان جۇمىستارمەن دە تانىسىپ شىقتى. اۋداننىڭ جالپى كولەمى - 203 گا. تۇرعىن ءۇي قورى 787،7 مىڭ شارشى مەتردى قۇرايدى. بۇگىنگى كۇنى شاعىن اۋداندا 25 000-نان استام ادام تۇرادى. 720 وقۋشىعا ارنالعان فيزيكا-ماتەماتيكا باعىتىنداعى نازارباەۆ زياتكەرلىك مەكتەبى سالىندى. مەملەكەتتىك-جەكە مەنشىك سەرىكتەستىك اياسىندا 320 ورىندىق بالاباقشا بوي كوتەردى.

قاراعايلى شاعىن اۋدانىندا بۇگىنگى كۇنى جالپى اۋدانى 111،965 مىڭ ش. م. 20 ءۇي پايدالانۋعا بەرىلدى. 2019 جىلى جالپى اۋدانى 95،883 مىڭ شارشى مەتر 1269 پاتەر بولاتىن 18 ءۇيدىڭ قۇرىلىسى باستالدى.

اسقار مامين شاعىن اۋداندا سالىنىپ جاتقان سەگىز ءۇيدىڭ قۇرىلىس بارىسىمەن تانىستى. سونداي-اق، مۇندا ءۇش مەكتەپ، التى بالاباقشا، مۇز ءمودۋلىنىڭ جانە وڭالتۋ ورتالىعىنىڭ قۇرىلىسى قاراستىرىلعان. پرەمەر-مينيستر قاراعايلى شاعىن اۋدانىنداعى بىرەگەي سپورت كەشەنىندە بولىپ، بۇل قازاقستاندىقتاردىڭ بوس ۋاقىتىن ءتيىمدى وتكىزۋگە قاجەتتى نىساندار ەكەنىن اتاپ ءوتتى. سپورت كەشەنىنىڭ قۇرىلىسى 2017 جىلى باستالدى. اۋقىمدى مادەني-سپورتتىق شارالاردى وتكىزۋ جوسپارلانعان ۇلكەن زال بەس مىڭ ورىنعا ەسەپتەلگەن.

بارلىق حالىقارالىق ستاندارتتار بويىنشا سالىنعان كەشەن سپورتتىڭ ءار ءتۇرى بويىنشا جارىستار وتكىزۋگە مۇمكىندىك بەرەدى. باسسەين تۋرنيرلەر، ءجۇزۋ، اكۆااەروبيكا، سۋ دوبى جانە سۋعا سەكىرۋ، حالىقتىڭ ساۋىقتىرۋ جۇزۋىنە ارنالعان. سپورت عيماراتىنىڭ جالپى اۋدانى 33،8 مىڭ شارشى مەتردى قۇرايدى. ءىرى كەشەننىڭ قۇرىلىسىن وتاندىق كومپانيا "فيرما ازيا"جشس جۇزەگە اسىردى. جوبانىڭ جالپى قۇنى 26 ميلليارد تەڭگە.

ۇكىمەت باسشىسى سەمەي قالاسىندا اباي قۇنانباەۆتىڭ 175 جىلدىعىنا ارنالعان ءىس-شارالارعا الىس جانە جاقىن شەتەلدەردەن كەلگەن قوناقتار كوپ بولاتىنىن اتاپ ءوتتى.

سەمەي

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار