ورتسوندىرگىشتەرگە دابىل كەشكى ساعات 17.00-دە تۇسكەن. ورتكە قالاداعى №1 جانە №3 بولىمدەردىڭ قىزمەتكەرلەرى تارتىلعان. جالىنعا ورانعان 10-شى قاباتتاعى 3 بولمەلى پاتەر ەكەن. ءتۇتىن بارلىق جوعارعى قاباتتى شارپىعان.
ورتسوندىرگىشتەر پاتەرگە اۆتوساتىمەن جەتىپ, وتقا ورانعان ۇيدەن الدىمەن 2006 جىلى تۋعان ەگىز قىزدى قۇتقاردى. كورشى پاتەردەن دە ءتورت ادام, ونىڭ ۇشەۋى بالا وسى ادىسپەن قۇتقارىلعان. سونىمەن قاتار ءتۇتىن شارپىعان باسقا ۇيلەردەن 45 ادام ەۆاكۋاتسيالانعان. وسىنىڭ ناتيجەسىندە ورتتەن جاپا شەككەندەر مەن قازا بولعاندار بولعان جوق.
اينالاسى 25 مينۋتتىڭ ىشىندە ءورتتىڭ تارالۋى توقتالىپ, 11 مينۋتتان كەيىن تولىعىمەن ءوشىرىلدى. ونى وشىرۋگە 7 تەحنيكا مەن 23 ءووتسوندىرۋشى قاتىستى. ولاردىڭ جانقيارلىق ەڭبەگى ادامداردىڭ ءومىرىن ساقتاپ قالدى. ارينە ءۇي ءىشىنىڭ زاتتارى مەن م ۇلىكتەرگە ايتارلىقتاي زاقىم كەلگەن. ءورتتىڭ شارپىعان اۋماعى 40 شارشى مەتردى الادى.
قازىر ءورتتىڭ شىعۋ سەبەپتەرى انىقتالۋدا.
پەتروپاۆل
