قوعام • 15 مامىر، 2020

الماتىدا ىندەتپەن بوسانعان ايەل ساۋىعىپ، ءسابيىن باۋىرىنا الدى

17 رەت كورسەتىلدى

الماتىدا Covid-19-دان ەمدەلگەننەن كەيىن بوسانعان العاشقى انا اۋرۋحانادان شىعارىلدى.

بۇگىن الماتىدا كوروناۆيرۋستىق ينفەكتسيا راستالعان 30 جاستاعى بوسانعان ايەل ساۋىعىپ، ۇيىنە شىعارىلدى.

ەسكە سالا كەتەيىك، 17 ساۋىردە №1 قالالىق كلينيكالىق اۋرۋحانادا 1990 جىلى تۋعان ۆيرۋس جۇقتىرعان ايەل سالماعى 2،5 كەلى دەنى ساۋ قىزدى دۇنيەگە اكەلگەن بولاتىن.

جاڭا تۋعان سابيدە تەكسەرىپ-قاراۋ كەزىندە Covid-19 دياگنوزى راستالمادى.

وسى ۋاقىت ىشىندە نارەستە بالالار بولىمشەسىندە دارىگەرلەردىڭ قاراۋىندا بولدى.

«بۇگىن مەن ءوز قىزىمدى العاش رەت قولىما الىپ وتىرمىن. مەنىڭ بوسانعانىما ءبىر اي بولدى. وكىنىشكە وراي، بۇل پاندەميا ماعان دا كەلىپ جەتتى. مەن 12 ساۋىردە جۇقپالى اۋرۋلار اۋرۋحاناسىنان وسىندا كەلىپ تۇسكەندە، ءوزىمدى جايسىز سەزىنگەن بولاتىنمىن. مەندە جوتەل، دەنە قىزۋى، ەنتىگۋ بولدى. ماعان مورالدىق جانە فيزيكالىق تۇرعىدان كومەكتەسكەنى ءۇشىن دارىگەرلەرگە ۇلكەن راحمەت. ولار مەنى ەمدەپ قانا قويماي، مەيىرىممەن قاراپ، ماعان رۋحاني قولداۋ كورسەتتى. تەك دارىگەرلەرگە عانا ەمەس، سونداي-اق مەيىربەكەلەرگە، سانيتارلارعا دا العىس ايتقىم كەلەدى. ولاردىڭ ەڭبەگى زور. كوستيۋمدەردە ءجۇرۋ ولار ءۇشىن وڭاي ەمەس، سوندا دا ولار ءوز مىندەتتەرىن ورىنداۋدا. ولار ءبىزدىڭ دەنساۋلىعىمىزدى جاقسارتۋعا بارىن سالىپ وتىر، - دەپ ءوز ويىمەن ءبولىستى جىبەك ديۋسۋپوۆا.

قازىرگى ۋاقىتتا انا مەن بالا دەنساۋلىعىنىڭ جاي-كۇيى قاناعاتتانارلىق، ەندى ولار ءۇي كارانتينىندە بولادى.

مەديتسينالىق ديرەكتور ءسابيت پازىلوۆتىڭ ايتۋىنشا، قازىرگى ۋاقىتتا پەرزەنتحانادا Covid-19 ۆيرۋسى بار بوسانعان 5 ايەل جاتىر. بارلىق جاڭا تۋعان نارەستەلەردە تالداۋ تەرىس ناتيجەنى كورسەتتى. جاقىن ارادا ولار دا ەمدەۋدەن شىعارىلاتىن بولادى.

«قازىر ءبىزدىڭ اۋرۋحانامىز 442 توسەك-ورىنعا ارنالىپ اشىلعان پروۆيزورلىق ورتالىق بولىپ تابىلادى. ونى ىشىندە 50 توسەك-ورىن ءبىزدىڭ پەرزەنتحانامىزدا، وندا Covid-19 دياگنوزىنا كۇدىكتى نە راستالعان جۇكتى جانە بوسانعان ايەلدەر جاتىر. ءبىزدىڭ پەرزەنتحانامىز پروۆيزورلىق ستاتسيونار رەتىندە ءوز جۇمىسىن 12 ساۋىردە باستادى. وسى ۋاقىتتان بەرى ءبىزدىڭ پەرزەنتحانامىزدا كارانتيندەگى جۇزدەن استام جۇكتى ايەل ەمدەلدى، 20 بوسانۋ قابىلداندى، ونىڭ 5-ءۋى راستالعان دياگنوزىمەن دەنى ساۋ ءسابيدى دۇنيەگە اكەلدى»، - دەدى ءسابيت پازىلوۆ.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار