بۇگىندە شىمكەنت قالاسىندا جۇمىسىن قايتا باستاعان كاسىپورىن نىساندارىنىڭ جالپى سانى شامامەن 7 مىڭنان اسىپ وتىر. ولاردىڭ باسىم كوپشىلىگى شاعىن جانە ورتا بيزنەس سۋبەكتىلەرى.
ماسەلەن, 30 - ساۋدا بازارلارى, 221 - 500 شارشى مەتردەن جوعارى بارلىق باعىتتاعى دۇكەندەر مەن ساۋدا ۇيلەرى, ويىن-ساۋىق ورتالىقتارى, 80 فوتوسالون, 158 مەديتسينالىق ورتالىق, 273 ستوماتولوگيالىق كلينيكا, 20 جارناما اگەنتتىكتەرى مەن 20 جىلجىمايتىن م ۇلىك اگەنتتىكتەرى, 120 جەكە كابينالارى بار مونشالار, 60 ءۇي جانۋارلارى مەن گۇل ساتاتىن دۇكەندەر جانە 263 اۆتوجۋ, ماي اۋىستىرۋ, تەحنيكالىق قىزمەت كورسەتۋ ستانتسيالارى. كەلىپ تۇسكەن وتىنىشتەردىڭ كورسەتكىشى بويىنشا قازىر قالادا 166 679 ادام جۇمىسىنا قايتا كىرىسكەن.
سونداي-اق ماقسۇت پەرنەباي ۇلى قالادا بىرقاتار شەكتەۋلەر الىنعانىمەن توتەنشە جاعداي رەجيمى 25 مامىرعا دەيىن جالعاساتىنىن ايتقان.
- حالىققا قىزمەت كورسەتەتىن بارلىق نىسان وكىلدەرىنەن بارىنشا سانيتارلىق تالاپتاردى قاتاڭ ۇستانۋىن, قاۋىپسىزدىكتى باستى نازارعا الۋىن سۇرايمىن. قالا تۇرعىندارىن دا بەتپەردە مەن انتيسەپتيك پايدالانىپ, قوعامدىق ورىنداردا اراقاشىقتىقتى ساقتاۋعا شاقىرامىن, - دەپ مالىمدەدى شىمكەنت قالاسى اكىمىنىڭ ورىنباسارى م.يساحوۆ.
