قازاق تەاتر ونەرىنىڭ دامۋىنا ۇلەس قوسۋ ماقساتىندا اتالعان مادەنيەت وشاعى 2007 جىلى قۇرىلعان بولاتىن. سالتاناتتى اشىلۋ راسىمىنە ەلباسى نۇرسۇلتان نازارباەۆ قاتىسقان ەدى.
تەاتر عيماراتى 1984 جىلى سالىنعان, 2007 جىلى تەاترعا بەيىمدەلىپ قايتا قالپىنا كەلتىرىلدى. مەكەمە ىشىندە 300 كورەرمەنگە ارنالعان ۇلكەن زال مەن 86 ورىندىق كىشى زال بار.
ونەر ورداسىمەن تانىستىرۋ بارىسىندا مەكەمە ديرەكتورى ءابدىحان نۇرماعانبەتوۆ تەاتردىڭ كەمشىن جاعدايىن دا ايتىپ ءوتتى. ماسەلەن مۇندا رەكۆيزيت, ياعني, قويىلىمدا قولدانىلعان قاجەتتىلىكتەردى ساقتايتىن ارنايى قويما قاجەت ەكەن.
وسى رەتتە, قالا باسشىسى وپەرا جانە بالەت تەاترى تۇركىستان وبلىسىنىڭ مەنشىگىنەن شىمكەنت قالاسىنىڭ بالانسىنا اۋىستىرۋ بويىنشا راسىمدەۋ جۇمىستارى اياقتالعان سوڭ, تەاتردى دامىتۋ باعىتىندا ءتيىستى جۇمىستار اتقارىلاتىنىن اتاپ ءوتتى.
شىمكەنت
