كەزدەسۋ بارىسىندا ۇكىمەتارالىق كوميسسيانىڭ كەزەكتى وتىرىسىن ۇيىمداستىرۋ, ەكىجاقتى قۇجاتتاردى دايىنداۋ, 7-ءشى ۇاك وتىرىسىنىڭ حاتتاماسىن ورىنداۋ, سونداي-اق موڭعوليا پرەمەر-ءمينيسترى ۋ.حۇرەلسۇحتىڭ 2019 جىلعى قازاندا قازاقستانعا جاساعان رەسمي ساپارى بارىسىندا قول جەتكىزىلگەن ۋاعدالاستىقتاردىڭ ناقتى ىسكە اسىرىلۋى جونىندەگى ماسەلەلەر بويىنشا پىكىر الماستى.
ۇاك كەزەكتى وتىرىسىنىڭ كۇن ءتارتىبىن تولىقتىرۋ جانە الداعى ەكى جىل ىشىندە جان-جاقتى ىنتىماقتاستىقتى ىلگەرىلەتۋ ماقساتىندا ماسەلەلەردى ەگجەي-تەگجەيلى تالقىلاۋ ءۇشىن ەكى مەملەكەتتىڭ سالالىق مينيسترلىكتەرى مەن ۆەدومستۆولارى ساراپشىلارىنىڭ تۇراقتى كەزدەسۋلەرىن وتكىزۋ تۋرالى كەلىسىمگە قول جەتكىزىلدى.
قازاقستاندىق تاراپتى قازاقستان رەسپۋبليكاسىنىڭ ساۋدا جانە ينتەگراتسيا ۆيتسە-ءمينيسترى ق.تورەباەۆ, موڭعول تارابىن – مونعوليا سىرتقى قاتىناستار مينيسترلىگى ازيا جانە تىنىق مۇحيتى ايماعى دەپارتامەنتىنىڭ ديرەكتورى ە.سارانتوگوس باسقاردى. بەينەكونفەرەنتسياعا ەكى ەلدىڭ شەتەلدىك مەكەمەلەرىنىڭ باسشىلارى دا قاتىستى.
قۋات ۋاتحان,
موڭعوليا
