«Magnus Carlsen Invitational» دەپ اتالاتىن العاشقى ونلاين-تۋرنير ءساۋىر ايىنىڭ ەكىنشى جارتىسىندا باستالىپ, 3 مامىردا ءوز مارەسىنە جەتكەنى وزدەرىڭىزگە ءمالىم. بۇل تارتىس ايتۋلى نوۆەگيالىق شاحماتىشسىنىڭ جەڭىسىمەن اياقتالدى.
كەلەسى جارىستىڭ تۇساۋى 19 مامىردا كەسىلىپ, 3 ماۋسىمدا اياقتالادى. ايتۋلى دودادا ماگنۋس كارلسەننەن بولەك, ليجەن دين, حيكارۋ ناكامۋرا, اليرەزا فيرۋجا, الەكساندر گريششۋك, لەۆون ارويان, ۋەسلي سو, يان-كريشتوف دۋدا, سەرگەي كارياكين, ۆەي ي, يۋي ياني جانە دانيل دۋبوۆ سىندى ويىنشىلار ونەر كورسەتەدى. العاشقى ءۇش تاۋلىك ارالىعىندا گروسسمەيستەرلەر اينالمالى جۇيە بويىنشا راپيدتەن 11 پارتيا وتكىزەدى. سولاردىڭ اراسىنان وزىپ شىققان سەگىزى پلەي-وفف سايىستارىندا باق سىنايدى.
ودان كەيىن «Online Chess Masters» (20 ماۋسىم – 5 شىلدە), «Legends of Chess» (21 شىلدە – 5 تامىز) جانە Grand Final (9-20 تامىز) باسەكەلەرى ۇيىمداستىرىلادى.
