ساياسات • 15 مامىر، 2020

قازاقستان مەن اۋعانستان سىرتقى ىستەر مينيسترلەرى تەلەفون ارقىلى سويلەستى

23 رەت كورسەتىلدى

اۋعانستان تاراپىنىڭ باستاماسى بويىنشا قازاقستان سىرتقى ىستەر ءمينيسترى مۇحتار تىلەۋبەردى اۋعانستان يسلام رەسپۋبليكاسى سىرتقى ىستەر ءمينيسترى موحامماد حانيف اتمارمەن تەلەفون ارقىلى سويلەستى. بۇل تۋرالى ءسىم ءباسپاسوز قىزمەتى حابارلادى.

سۇحبات بارىسىندا تاراپتار ساياسي، ساۋدا-ەكونوميكالىق جانە گۋمانيتارلىق سالالارداعى قازاقستان-اۋعانستان ىنتىماقتاستىعىنىڭ قازىرگى جاعدايى مەن بولاشاعىن تالقىلادى.

م. تىلەۋبەردى اۋعاندىق ارىپتەسىنە قازاقستان ۇكىمەتى اۋعانستانعا ازىق-ت ۇلىك تۇرىندە گۋمانيتارلىق كومەك كورسەتۋگە شەشىم قابىلداعانى تۋرالى حابارلادى.

م. اتمار ريزاشىلىق بىلدىرە وتىرىپ، اۋعان تاراپى قازاقستان ۇكىمەتىنىڭ كورسەتىپ جاتقان كومەگىن جوعارى باعالايتىنىن اتاپ ءوتتى. سونىمەن قاتار، قازاقستاننان استىقتى جانە ونىڭ وڭدەلگەن ونىمدەرىن يمپورتتاۋعا مۇددەلى ەكەنىن حاباردار ەتتى. اۋعانستاننىڭ ترانزيتتىك-كولىكتىك جانە ەنەرگەتيكالىق سالالارداعى ىنتىماقتاستىقتى نىعايتۋعا، سونداي-اق اۋعان ازاماتتارى ءۇشىن قازاقستان رەسپۋبليكاسىنىڭ ءبىلىم بەرۋ باعدارلاماسىن جالعاستىرۋعا مۇددەلىلىگىن ءبىلدىرىلدى.

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار