قوعام • 15 مامىر، 2020

نۇر-سۇلتاننىڭ دەنساۋلىق ساقتاۋ جۇيەسىن تسيفرلاندىرۋ جۇمىسى جالعاسۋدا

16 رەت كورسەتىلدى

10 مىڭعا جۋىق مەديتسينا قىزمەتكەرى مەديتسينالىق اقپاراتتىق جۇيەلەردە جۇمىس ىستەۋدى ۇيرەنىپ، كومپيۋتەرلىك ساۋاتتىلىعىن ارتتىردى.  1 ملن مەديتسينالىق قۇجات تسيفرلاندىرىلدى، سونىڭ ارقاسىندا ءار تۇرعىننىڭ ەلەكتروندى دەنساۋلىق پاسپورتى بار. بۇل تۋرالى ەلوردا اكىمدىگىنىڭ رەسمي سايتى حابارلادى.

«حالىقتىڭ دەنساۋلىق ساقتاۋ سالاسىنداعى تسيفرلىق ساۋاتتىلىعىن ارتتىرۋ ءۇشىن بارلىق  ەمحانالاردا اقپاراتتىق جۇيەنىڭ ءموبيلدى قوسىمشاسىندا جۇمىس ىستەۋدى ۇيرەتەتىن تسيفرلىق بەكەتتەر قۇرىلدى. وندا تۇرعىندار دارىگەردىڭ قابىلداۋىنا الدىن الا جازىلۋ نەمەسە ونى ۇيگە شاقىرۋ، زەرتحانالىق زەرتتەۋلەردىڭ ناتيجەسىمەن تانىسۋدى ۇيرەندى»، - دەلىنگەن قالالىق قوعامدىق دەنساۋلىقتى ساقتاۋ باسقارماسىنىڭ حابارلاماسىندا.

بۇدان بولەك، نۇر-سۇلتان قالاسىنىڭ اكىمدىگى العاش رەت «استانا – ادالدىق الاڭى» جوباسىمەن بىرلەسىپ، دەنساۋلىق ساقتاۋ ۇيىمدارى بەرگەن انىقتامالاردىڭ زاڭدىلىعىن تەكسەرەتىن اقپاراتتىق سەرۆيس ازىرلەندى. بەرىلگەن ءار مەديتسينالىق انىقتاماعا QR-كود ەنگىزىلگەن، ونى سكانەرلەۋ ارقىلى قۇجاتتىڭ تۇپنۇسقالىعىن تەكسەرۋگە بولادى.

حالىقپەن كەرى بايلانىس ورناتۋ ءۇشىن «سمارت استانا» ءموبيلدى قوسىمشاسى ارقىلى ونلاين-رەجيمدە ناۋقاستاردىڭ كورسەتىلگەن قىزمەتكە قاناعاتتانۋ دەڭگەيىن باقىلاۋعا مۇمكىندىك بەرەتىن اقپاراتتىق سەرۆيس جاسالدى. ەلوردانىڭ بارلىق مەديتسينا مەكەمەلەرىندەگى دارىگەرلەردىڭ ەسىكتەرىندە QR-كودى بار ارنايى تاقتايشا بار. كودتى سكانەرلەپ، دارىگەردىڭ ەتيكاسى بويىنشا پىكىر قالدىرۋعا بولادى. بۇل شارالار حالىقپەن كەرى بايلانىستى جاقسارتىپ، قىزمەت كورسەتۋ ساپاسىن ارتتىرادى.

«مەديتسينا ۇيىمدارىنىڭ تەحنيكالىق دايىندىعى: 100% كومپيۋتەر تەحنيكاسىمەن جابدىقتالىپ، ينتەرنەت جەلىسىنە قوسىلعان. نۇر-سۇلتاننىڭ 93 مەديتسينالىق ۇيىمىنىڭ بارلىعى كەپىلدى كولەمدەگى تەگىن مەديتسينالىق كومەك پەن مىندەتتى الەۋمەتتىك مەديتسينالىق ساقتاندىرۋ اياسىندا مەديتسينالىق كومەك كورسەتۋ تۋرالى كەلىسىم جاساپ، قر دسم مەن «ساقتاندىرۋ»  اقپاراتتىق جۇيەسىمەن  100% ينتەگراتسيالاندى»، - دەلىنگەن حابارلامادا.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ۇقساس جاڭالىقتار