«كەشە نۇر-سۇلتان قالاسىندا كوروناۆيرۋس دەرتىنەن 2 ازامات قايتىس بولدى. ءبىرىنشى ناۋقاس 1958 جىلى تۋعان ايەل ادام ون كۇندەي ۇيىندە ءوزىن-ءوزى ەمدەگەن. 31 ناۋرىز كۇنى جاعدايى اۋىرلاعاندا جەدەل جاردەم ارقىلى جۇقپالى اۋرۋلار اۋرۋحاناسىنىڭ جانساقتاۋ بولىمىنە جاتقىزىلىپ, جاساندى وكپەنى جەلدەتۋ اپپاراتىنا قوسىلدى. جاعدايىنىڭ اۋىرلىعىنا بايلانىستى 18 ساۋىردە رەسپۋبليكالىق قارقىندى تەراپيا ورتالىعىنا اۋىستىرىلدى. ەمدەۋ حاتتاماسىنا سايكەس, ناۋقاسقا قاجەتتى ەم-دوم شارالارى جۇرگىزىلدى. بىراق رەانيماتسيالىق شارالارعا قاراماستان, ناۋقاس 13 مامىر كۇنى كوز جۇمدى. ەكىنشى ناۋقاس - 1977 جىلى تۋعان ەر ادام. وتباسىندا كوروناۆيرۋس جۇقتىرعان جانمەن جاقىن قاتىناستا بولعان. ءتورت كۇن ءۇي كارانتينىندە بولعان. 17 ساۋىردە جەدەل جاردەم قىزمەتى ارقىلى جۇقپالى اۋرۋلار اۋرۋحاناسىنا جەتكىزىلدى. وعان ءتيىستى ەمدەۋ شارالارى جاسالدى. الايدا جاعدايى اۋىرلاعاندىقتان, 22 ساۋىردە جانساقتاۋ بولىمىنە اۋىستىرىلدى. ناۋقاس سوڭعى ەكى جىلدا قوسىمشا اۋرۋلارى بويىنشا ەمحانادا تىركەۋدە بولعان. 13 مامىردا قارقىندى تەراپياعا قاراماستان, ناۋقاس قايتىس بولدى» دەدى ول.
