ۆيدەو جازباداعى جانجال, پوليتسيا قىزمەتكەرىنىڭ تۇرعىندارعا قارسى وق اتۋعا بۇيرىق بەرگەنى ءبارى كورىنىپ تۇر.
وقيعا 13 مامىر كۇنى كەشكىسىن اقسۋ اۋىلدىق اۋماعىنا قاراستى قالقامان كەنتىنە جاقىن ماڭدا بولعان.
تۇرعىندار مەن ءموبيلدى بەكەتتەگى پوليتسيا قىزمەتكەرلەرىنىڭ اراسىنداعى جانجالعا قاراپايىم حالىق «كۇل» دەپ اتاپ كەتكەن ميكروسفەرا شيكىزاتىن تاسۋعا رۇقسات بەرمەۋى تۇرتكى بولعان.
حالىقتى تىنىشتاندىرۋ ءۇشىن پوليتسيا قىزمەتكەرى جاساققا ەسكەرتۋ وعىن اتۋعا بۇيرىق بەرگەن.
وبلىستىق پوليتسيا دەپارتامەنتى باستىعىنىڭ ورىنباسارى ەلدار ابىكەنوۆتىڭ مالىمدەۋىنشە, قازىر قىلمىستىق كودەكستىڭ 380-بابى, 1-بولىمىنە سايكەس سوتقا دەيىنگى تەرگەۋ باستالدى. وق اتۋعا بۇيرىق بەرگەن پوليتسيا قىزمەتكەرى قىزمەتىنەن بوساتىلدى.
ال جانجالعا قاتىسقاندار - بەرەكە اۋىلىنىڭ تۇرعىندارى. اۋىلدا 2 مىڭعا جۋىق حالىق تۇرادى. دەنى 90-شى جىلدارى ەلگە ورالعان ورالمان وتباسىلارى.
بار سەبەپ - اۋىلدا جۇمىس جوق. كۇن كورىس قاجەت. سول سەبەپتەن 30 شاقىرىم جەردەگى كولگە بارىپ, ەلەكتر ستانساسىنان شىققان كۇلدى جيناپ, كۇن كورەدى.
اۋىلدىقتاردىڭ ايتۋىنشا, نارىقتاعى كۇل باعاسىنىڭ 1 كەلىسى 100 تەڭگە كورىنەدى.
تۇرعىنداردىڭ تالابى اۋىلدى كۇزەتكەن ارنايى جاساقتىڭ بۇل ماڭنان كەتۋىن قالايدى.
وبلىستىق پوليتسيا دەپارتامەنتىنىڭ مالىمەتىنشە, مال ۇرلىعىنىڭ الدىن الۋ ماقساتىندا جانە «مەتاللوگامما», «NewHantamurNC» جشس قاتىستى كەلىپ تۇسكەن «ميكروسفەرا» كۇل-قوقىس شيكىزاتىن جاپپاي ۇرلاۋ تۋرالى مالىمەتكە سايكەس, اقسۋ قالاسىنا قاراستى اقجول جانە بەرەكە اۋىلدارىنا موبيلدىك پوست قويىلعان.
پاۆلودار وبلىسى
