«كەشەندى جوسپار قازاقستان رەسپۋبليكاسى پرەزيدەنتى قاسىم-جومارت توقاەۆتىڭ وتكەن جىلعى ەل حالقىنا جولداۋىندا بۇقارالىق سپورتتى دامىتۋ قاجەت دەگەن تاپسىرماسى نەگىزىندە, سونىمەن قاتار سالاۋاتتى ءومىر سالتىن ناسيحاتتاۋ, حالىقتىڭ بارلىق توبى اراسىندا دەنە شىنىقتىرۋ مەن سپورتتى دامىتۋ, سپورتتىق ينفراقۇرىلىمدى وسكەلەڭ ۇرپاققا قولجەتىمدى ەتكىزۋ ماقساتىندا ازىرلەندى. كەشەندى جوسپار 5 باستى باعىتتان تۇرادى: ءنورماتيۆتى-قۇقىقتىق قامتاماسىز ەتۋ, مەكتەپ جانە ستۋدەنتتىك سپورت, سپورتتىق جەلىلەردى كەڭەيتۋ, سالاۋاتتى ءومىر سالتىن ناسيحاتتاۋ, سپورتتىق-بۇقارالىق شارالاردى قامتيدى», - دەدى اقتوتى رايىمقۇلوۆا.
ونىڭ ايتۋىنشا, كەشەندى جوسپاردا بۇقارالىق سپورت بويىنشا زاڭ جوباسىنىڭ 8 زاڭنامالىق اكتىسىنە 33 وزگەرتۋلەر ەنگىزۋ قاراستىرىلعان. ونىڭ ىشىندە, دەنە شىنىقتىرۋ مەن سپورت بويىنشا مۇعالىمدەرگە ساباقتان تىس قوسىمشا اقى قاراستىرىلعان, دەنە شىنىقتىرۋ ساباعىنا ۇلتتىق سپورت تۇرلەرى بويىنشا مىندەتتى قوسىمشا ەنگىزۋ, حالىقپەن جۇمىس ىستەۋ ءۇشىن سپورتتىق نۇسقاۋشىلارمەن قامتاماسىز ەتۋ, وڭىرلەردە دارىگەرلىك-دەنە شىنىقتىرۋ ديسپانسەرلەرىنىڭ جۇمىسىن ۇيىمداستىرۋ كوزدەلىپ وتىر. قازىرگى تاڭدا زاڭ جوباسى اتالعان وزگەرتۋلەرمەن پارلامەنت ءماجىلىسىنىڭ قاراۋىنا ەنگىزىلگەن.
