بۇگىن كولىكتەگى باس مەملەكەتتىك سانيتارلىق دارىگەر قاۋلى قابىلدادى. قاۋلىعا سايكەس جوعارى تەمپەراتۋراسى نەمەسە جوتەل, ەنتىگۋ, تىنىس الۋىنىڭ قيىنداۋى سياقتى اۋرۋ بەلگىلەرى بار ادامدار اۋەجاي عيماراتىنا جانە بورتقا جىبەرىلمەيدى. مۇنداي جولاۋشىلار كارانتينگە جىبەرىلىپ, وقشاۋلانادى.
كولىكتەگى باس مەملەكەتتىك سانيتارلىق دارىگەر سادۋاقاس بايعابىلوۆتىڭ ايتۋىنشا, اتالعان ءۇش قالاعا قاتىنايتىن اۋە تاسىمالى كەزىندە الەۋمەتتىك قاشىقتىق, ساۋالداما, ماسكالىق رەجىم, تەرمينال عيماراتىنا شىعارىپ سالاتىن ادامداردى جىبەرمەۋ, بايلانىسسىز تەرمومەتريا جانە باسقا دا تالاپتار قاتاڭ ساقتالۋى ءتيىس.
بۇعان دەيىن كوروناۆيرۋستىق ينفەكتسيا بويىنشا سانيتارلىق-ەپيدەميولوگيالىق جاعدايدىڭ تۇراقتانۋىنا قاراي ىشكى اۆيارەيستەر كەزەڭ-كەزەڭمەن قايتا قالپىنا كەلتىرىلەتىنى ايتىلعان بولاتىن. سوندىقتان ازىرگە ىشكى اۋە رەيستەر تەك نۇر-سۇلتان مەن الماتى قالالارىنان ماڭىزى بار قالالارعا عانا اشىق. ال وڭىرلەر اراسىنداعى اۋە تاسىمالى ءالى قالپىنا كەلتىرىلمەيدى.
