ايماقتار • 14 مامىر، 2020

شىمكەنتتە ەلتاي ەلدى مەكەنىندە جاۋىننان كەيىنگى قاۋىپ سەيىلدى

98 رەت كورسەتىلدى

كەشە كەشكى ساعات 19.14-تە شىمكەنت قالاسى ەڭبەكشى اۋدانى، ەلتاي ەلدى مەكەنىنە قاتتى جاۋىن-شاشىن سالدارىنان تۇركىستان وبلىسى تولەبي اۋدانىنان سەكۋندىنا 3-5 تەكشە مەتر سۋ كەلگەنى تۋرالى حابارلاما كەلىپ تۇسكەن.

ۇيلەردىڭ اۋلالارىن سۋ باسىپ، سۋدىڭ دەڭگەيى 20-50 سم قۇرادى. كوپ مولشەردە كەلگەن سۋدان ارىق جۇيەسى ىستەن شىعىپ، سونىڭ سالدارىنان تۇرعىن ۇيلەردىڭ اۋلالارىن سۋ باستى. جالپى 60 تۇرعىن ءۇي اۋلالارىن سۋ باستى جانە 3 شارۋاشىلىق قۇرىلىسى قيرادى. اۆاريالىق-قۇتقارۋ جۇمىستارىن جۇرگىزۋ ءۇشىن شىمكەنت قالاسى تج دەپارتامەنتىنىڭ 57 قىزمەتكەرى، 14 تەحنيكا مەن مپ-100 ماركالى 14 موتوپومپا جۇمىلدىرىلدى.  
 
تجد كۇشتەرى سۋدى شىعارۋ جۇمىستارىن جۇرگىزدى، جەرگىلىكتى اتقارۋشى ورگاندارىنىڭ كوممۋنالدىق قىزمەتتەرى ارىقتاردىڭ مەحانيكالىق تازالاۋى جۇرگىزىلدى. ەۆاكۋاتسيالىق پۋنكتتەرگە جەتكىزۋ ءۇشىن شۇعىل تۇردە قوعامدىق كولىكتەر ۇيىمداستىرىلدى. تج دەپارتامەنتىنىڭ ءموبيلدى توبى داۋىسزورايتقىش ارقىلى ەلتاي ەلدى مەكەنىنىڭ تۇرعىندارىن ەۆاكۋاتسيا تۋرالى قۇلاقتاندىرۋى جۇرگىزىلدى.  
 
سۋ باسقان 60 ۇيدەن ادامداردى كوشىرۋ ۇيىمداستىرىلدى. ماياتاس تۇرعىن الابىندا ورنالاسقان №119 مەكتەپتىڭ نەگىزىندە قۇرىلعان №41 ەۆاكۋاتسيالىق جينالۋ پۋنكتىنە 150 ادام كوشىرىلدى، 150 ادام وزدەرىننىڭ تۋىستارىنىڭ ۇيىنە ورنالاستى. زارداپ شەككەندەر مەن قايتىس بولعاندار جوق. قوسىمشا 4 ەۆاكۋاتسيالىق-جينالۋ پۋنكتى دايىندىققا كەلتىرىلدى.  
 
14 مامىر ساعات 01.14-تە ەڭبەكشى اۋدانى، وتكورم.سوۆحوز گاۋحار تاس كوشەسىندە قاتتى جاۋىن-شاشىن سالدارىنان بادام وزەنىنىڭ تاسۋى ورىن الدى. جاعالاۋدىڭ بۇزىلۋى سالدارىنان 2 تۇرعىن ءۇيدىڭ قۇلاۋىنا قاۋىپ ءتوندى (ۇيلەرگە دەيىن اراقاشىقتىق 7-8 مەتر). تجد كۇشتەرىمەن قاۋىپ ءتونىپ تۇرعان 2 ۇيدەن 17 تۇرعىن بادام-1 ەلدى مەكەنىندەگى №84 ورتا مەكتەبىنىڭ نەگىزىندە قۇرىلعان ەۆاكۋاتسيالىق جينالۋ پۋنكتىنە كوشىرىلدى. زارداپ شەككەندەر مەن قايتىس بولعاندار جوق. تج سالدارىن جويۋعا تج دەپارتامەنتىنىڭ 16 قىزمەتكەرى جانە 5 تەحنيكاسى جۇمىلدىرىلدى.
 
سونىمەن قاتار 112 كەزەكشىلىك قىزمەتىنە ازاماتتاردان ۇيلەردىڭ اۋلالارىن سۋ باسقانى تۋرالى 28 قوڭىراۋ ءتۇستى، بارلىعىنا شۇعىل تۇردە قىزمەتكەرلەر شىعىپ، سۋدى شىعارۋ جۇمىستارىن جۇرگىزدى. جالپى 973 تەكشە مەتر سۋ شىعارىلدى. جەكە قۇرامنان 97 ادام، 23 تەحنيكا جۇمىلدىرىلدى. 
 
قازىرگى تاڭدا قاۋىپسىزدىكتى ساقتاۋ ماقساتىندا قۇزىرلى مەكەمەلەر تاراپىنان قاجەتتى كومەك كورسەتىلۋدە. جاعداي تۇراقتى باقىلاۋدا.
سوڭعى جاڭالىقتار

ۇقساس جاڭالىقتار