سۋرەت: Yonhap News/CGV Untouch Cinema
CJ-CGV وڭتۇستىك كورەياداعى اسا ءىرى كينوتەاتر جەلىسى. ولار تەحنولوگيالىق جاڭالىقتى كوروناۆيرۋس پاندەمياسى كەزىندە ءار نارسەدەن ساقتانۋدى ادەتكە اينالدىرعان كورەرمەندەردى وزدەرىنە تارتۋ ءۇشىن ەنگىزگەن. كينوتەاتر جەلىسىنىڭ باسشىلىعى تەك قانا روبوتتاردى ەمەس, اۆتوماتتاندىرىلعان كيوسكىلەر مەن ءموبيلدى قوسىمشالاردى دا قولدانۋدى ويلاستىرىپ وتىر.
باسىلىم بەرگەن مالىمەتكە سايكەس ەندى كورەرمەندەر كينوتەاتردىڭ الدىنداعى كاسسادا كەزەكتە تۇرمايدى, ونىڭ ورنىنا اۆتوماتتاندىرىلعان كيوسكىلەردىڭ قىزمەتىن پايدالانادى. سونداي-اق, كافە تەرريتورياسىنداعى قىزمەتكەرلەردى روبوتتار اۋىستىرماق. ارنايى ءموبيلدى قوسىمشا ارقىلى بەرىلگەن تاپسىرىستاردى روبوتتار جەتكىزىپ تۇراتىن بولادى.
CJ-CGV كينوتەاترلار جەلىسى روبوتقا قىزمەت قىلدىرىپ قويعان ەلدەگى جالعىز كومپانيا ەمەس. مۇنىڭ الدىندا Lotte Cinema كينوتەاترلار جەلىسى دە وسى تاسىلگە كوشكەن ەدى. ولار وزدەرىنىڭ 130 كينوتەاترىنىڭ 22-ءسىن اۆتوماتتاندىرىلعان رەجيمگە اۋىستىرىپ ۇلگەردى.
