سايىستىڭ ماقساتى - بۇلدىرشىندەردىڭ بويىندا وتانعا دەگەن سۇيىسپەنشىلىگىن, پاتريوتتىق سەزىمىن قالىپتاستىرۋ, بالالاردىڭ شىعارماشىلىق جانە كوركەمدىك قيالداۋ داعدىلارىن دامىتۋعا مۇمكىندىك تۋعىزۋ. ونەر سالاسىندا ەستەتيكالىق تالعامىن قابىلەتتەرى مەن داعدىلارىن قالىپتاستىرۋ.
وسىعان وراي, دوداعا قاتىسۋشىلاردىڭ ماتەريالدارى مەن باسقا دا قۇجاتتارى 12.05.2020-15.05.2020 ارالىعىندا info@daryn – shymkent.kz ەلەكتروندىق مەكەنجايىنا جولدانۋى ءتيىس.
قاتىسۋشى بالاباقشا تاربيەلەنۋشىلەرى سايىستىڭ ەرەجەسى بويىنشا «مەنىڭ وتانىم - قازاقستان!» تاقىرىبىندا سالعان سۋرەت نەمەسە مانەرلەپ ولەڭ وقىعان ۆيدەو جازباسىن جوعارىدا كورسەتىلگەن ەلەكتروندى مەكەنجايىنا جىبەرۋى ءتيىس.
سۋرەت بايقاۋى بويىنشا ماتەريالدا ورىندالعان سۋرەتتەر جۇمىسى قالاعان قاعاز تۇرىنە كەز-كەلگەن بوياۋ قۇرالدارىن پايدالانۋى مۇمكىن. بايقاۋعا ۇسىنىلعان جۇمىستى سۋرەتكە ءتۇسىرىپ نەمەسە سكانەردەن وتكىزۋ شارت. جۇمىستار ا4 بەتىندە سالىنعان بولۋى كەرەك. سونداي-اق, قاتىسۋشىنىڭ ەڭبەگى 1 دانادان ارتىق بولماۋى قاجەت. ال, مانەرلەپ ولەڭ وقۋ بايقاۋى بويىنشا ولەڭ جولدارى ءتورت شۋماقتان, ۆيدەو ۇزاقتىعى 1 مينۋتتان اسپاۋى قاجەت.
بايقاۋعا جىبەرىلگەن ماتەريالدىڭ (سۋرەت, ۆيدەو) ارقايسىسىندا بالاباقشا اتاۋى مەن قاتىسۋشىنىڭ تولىق اتى-ءجونى جازىلۋى ءتيىس. بايقاۋ قورىتىندىسى, ماراپاتتار 2020 جىلدىڭ 20 مامىرىندا شىمكەنت قالاسى دارىن ورتالىعىنىڭ فەيسبۋك پاراقشاسىندا جاريالانادى.
