قالامىزدىڭ جاس سۋرەتشىلەرى قاۋىپتى ىندەتپەن كۇرەسىپ جۇرگەن وسىناۋ دارىگەرلەرگە ارناپ ءساۋىر ايىندا ءبىرىنشى مۋرالدى سالعان ەدى. مۋرالدىڭ العاشقىسى قالاداعى قۇرمانعازى مەن ءا.ءشارىپوۆ كوشەلەرىنىڭ قيىلىسىنداعى تۇرعىنۇيدىڭ قابىرعاسىندا پايدا بولدى.
وسى كۇندەرى قالادا ەكىنشى مۋرال سالىنىپ, بۇل تۋرالى الماتى قالاسىنىڭ اكىمى باقىتجان ساعىنتاەۆ ءوزىنىڭ الەۋمەتتىك پاراقشاسىندا: ء«بىزدىڭ سۋرەتشىلەر كوروناۆيرۋسپەن كۇرەستىڭ, جەردى قۇتقارىپ قالۋدىڭ سيمۆولىن بەينەلەيتىن مۋرال سالدى. بۇل – دەنساۋلىعىمىز بەن قاۋىپسىزدىگىمىزدى قورعاۋدا جانىن پيدا ەتىپ جۇرگەن دارىگەر, اسكەريلەر مەن پوليتسەيلەرگە العىس رەتىندە سالىنعان قالاداعى ەكىنشى گراففيتي» دەپ العىس سەزىممەن جازادى.
مىنە, وسىلايشا ءالى دە كۇن سايىن, ءسات سايىن مەديتسينا قىزمەتكەرلەرى ءوز باستارىن قاتەرگە تىگىپ, COVID-19-عا قارسى كۇرەستە الدىڭعى شەپتە ەڭبەك ەتىپ ءجۇر.
الماتىلىقتار قاۋىپتى ىندەتتىڭ بەتى قايتىپ, ءومىرىمىز قالىپتى ارناعا تۇسكەندە, وسى مۋرالعا قاراپ, اق حالاتتى ابزال جانداردىڭ باسىنان كەشكەن كۇندەردى ەرەكشە ريزاشىلىقپەن ەسكە الىپ وتىراتىن بولادى.
