وسى باستاماعا بايلانىستى بۇگىن الماتى قالالىق ەنەرگوتيىمدىلىك جانە ينفراقۇرىلىمدىق دامۋ باسقارما باسشىسى اسەت ماساباەۆ پەن الماتى قالالىق الەۋمەتتىك ءال-اۋقات باسقارما باسشىسىنىڭ ورىنباسارى دانيار الكەباي ۇلى ءباسپاسوز بيريفينگىن وتكىزىپ, تومەندەگىدەي ماسەلەلەردى مالىمدەدى.
بۇعان دەيىن قولدانىلىپ كەلگەن ەرەجەلەرگە سايكەس ءوتىنىش بىلدىرگەن جانە جەكە شوتى بار مىناداي ساناتتاعى ادامدارعا بەرىلىپ كەلدى:
- 1-ءشى, 2-ءشى, 3-ءشى توپتاعى مۇگەدەكتەر;
- مۇگەدەك بالالاردى تاربيەلەپ وتىرعان وتباسىلار;
- كوپ بالالى وتباسىلار;
- ۇلى وتان سوعىسىنىڭ مۇگەدەكتەرى مەن قاتىسۋشىلارى جانە ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار;
- مەملەكەتتىك نەمەسە قوعامدىق مىندەتتەردى ورىنداۋ, اسكەري قىزمەت اتقارۋ كەزىندە, عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە, ادام ءومىرىن قۇتقارۋ, قۇقىقتىق ءتارتىپتى قورعاۋ كەزىندە قازا تاپقان ادامداردىڭ وتباسىلارى;
- ەڭ تومەنگى جانە ودان تومەن زەينەتاقى الاتىن جالعىز باستى زەينەتكەرلەر;
- اتاۋلى الەۋمەتتىك كومەك الاتىن ازاماتتار.
اتالعان ساناتتارعا جاتاتىن ادامداردىڭ ءتىزىمىن الەۋمەتتىك ءال-اۋقات باسقارماسى دايىندادى.
10 مامىرداعى جاعداي بويىنشا الەۋمەتتىك ءال-اۋقات باسقارماسى شىعىنداردىڭ وتەلۋىنە قۇقىعى بار ادامداردىڭ سانىن 62 مىڭنان 119 مىڭعا دەيىن وزگەرتتى.
بۇگىنگى كۇنى ەنەرگوتيىمدىلىك باسقارماسىنىڭ بايلانىس ورتالىعىندا 148 مىڭ قوڭىراۋ تىركەلدى, ونىڭ ىشىندە 17 505 ءوتىنىش ماقۇلداندى.
وتىنىشتەردى قابىلداۋ بارىسىندا بىرقاتار پروبلەمالىق ماسەلەلەر تۋىندادى. ماسەلەن, حالىقتىڭ الەۋمەتتىك جاعىنان وسال توپتارىنا جاتاتىن كوپتەگەن قالا تۇرعىندارى جەكە ەسەپ شوتتارىن وزىنە ەمەس, وتباسى مۇشەلەرىنىڭ بىرىنە راسىمدەگەن.
وسىعان بايلانىستى, وڭىرلەر مەن الماتى قالاسى ەرەجەگە جەكە شوت وتباسى مۇشەلەرىنىڭ بىرىنە رەسىمدەلگەن كەزدە شىعىنداردىڭ وتەلۋ مۇمكىندىگىنە قاتىستى وزگەرىستەر ەنگىزۋ بويىنشا ۇسىنىستار بەردى.
مينيسترلىك اتالعان ۇسىنىستاردى تولىق كولەمدە قولدادى (2020 جىلعى 10 مامىردا وزگەرىستەر ەنگىزىلدى).
بيىلعى جىلعى 10 مامىرداعى مينيسترلىكتىڭ وزگەرتىلگەن بۇيرىعىنىڭ 6-تارماعىنا سايكەس «وزدەرىنىڭ جەكە شوتتارى نەمەسە وزدەرىمەن بىرگە تۇراتىن وتباسى مۇشەلەرىنىڭ جەكە شوتتارى بولعان كەزدە كوممۋنالدىق قىزمەتتەر بويىنشا شىعىنداردىڭ وتەلۋىنە قۇقىعى بار ادامداردىڭ ساناتى».
بۇل رەتتە, نەكە (ەرلى-زايىپتىلىق) جانە وتباسى تۋرالى كودەكستىڭ 3-بابىنىڭ 1) تارماقشاسىندا قازاقستان رەسپۋبليكاسىنىڭ نەكە-وتباسى زاڭناماسى: وتباسى مۇشەلەرى: ەرلى-زايىپتىلار, اتا-انالار جانە بالالارى اراسىنداعى قۇقىقتار مەن مىندەتتەردى, م ۇلىكتىك جانە جەكە م ۇلىكتىك ەمەس قاتىناستاردى بەلگىلەيتىنى قاراستىرىلعان.
وسىلايشا, كودەكستە اتا-اناسى, ەرلى-زايىپتىلار, ولاردىڭ بالالارى وتباسى مۇشەلەرى بولىپ تانىلعان, وسى ورايدا ەرەجەدە كوممۋنالدىق قىزمەتتەر تولەمدەرىنىڭ وتەلۋى ءۇشىن مۇقتاج ادامدارمەن بىرگە تۇراتىن وتباسى مۇشەلەرى ءوتىنىش بەرۋگە قۇقىلى دەپ كورسەتىلەدى.
سونىمەن قاتار, قالا تۇرعىندارى ءۇشىنشى تۇلعالاردان تۇرعىن ءۇيدى جالعا الاتىن مۇقتاجدار ساناتىنداعى ادامداردىڭ شىعىندارىن وتەۋ ماسەلەسىن كوتەرۋدە. بۇل ماسەلەگە قاتىستى اكىمدىك ولاردى شىعىنداردىڭ وتەلۋىنە قۇقىعى بار ادامداردىڭ ساناتىنا قوسۋ جونىندە ۇسىنىس ەنگىزگەن. وكىنىشكە وراي, تۇرعىن ءۇيدى جالعا بەرۋدىڭ اشىق بولماۋىنا جانە ناقتى مالىمەتتەردىڭ بولماۋىنا بايلانىستى بۇل ۇسىنىس قولداۋ تاپپادى.
