وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ حابارلاۋىنشا, جۇكتى انالاردى بوساندىرۋ پروتسەسىنە №2 وبلىستىق اۋرۋحاناسىنىڭ بىلىكتى حيرۋرگتارى مەن انەستەزيولوگ ماماندارى, سونداي-اق, وبلىستىق پەريناتالدىق ورتالىقتىڭ دارىگەر-رەانيماتولوگتارى, گينەكولوگتارى, اكۋشەرلەر قۇرامى مەن نەوناتولوگتارى قاتىسىپتى. جيىرما توعىز جاستاعى كەلىنشەك كەسار تىلىگى ارقىلى قىزدى بولدى. ءسابيىنىڭ سالماعى – 3,620 كەلى, بويى –53 سم. ال, 24 جاستاعى ايەل سالماعى 4,270 كەلىنى, بويى 56 سم-ءدى قۇراعان ۇلدى ومىرگە اكەلدى.
– جۇكتى ايەلدەر ينفەكتسيالىق ستاتسيونارعا جۇكتىلىكتىڭ 38 اپتاسىندا قابىلدانعان ەدى. ولاردا كوروناۆيرۋس ينفەكتسياسىنىڭ سيمپتومسىز جاعدايى راستالعان بولاتىن. بوسانعان انالار جۇقپالى اۋرۋلار بولىمشەسىندە حاتتاماعا سايكەس ەمىن جالعاستىراتىن بولادى. نارەستەلەر انالارىنان وقشاۋلانىپ, ارنايى ازىرلەنگەن تازا پالاتاعا اۋىستىرىلدى. جاعدايى قاناعاتتانارلىق, دارىگەرلەردىڭ باقىلاۋىندا, - دەيدى №2 وبلىستىق اۋرۋحانا ديرەكتورىنىڭ ورىنباسارى ناديا ەرعاليەۆا.
