قايىرىم شاراسىنا ءبىر كىسىدەي جۇمىلعان الماتى وبلىسى تۇرعىندارى 120 توننا ازىق-ت ۇلىك, 140 توننا قۇرىلىس ماتەريالدارىن جيناپ بەرگەن ەكەن. ءارى بۇل جەتىسۋدان جەتكەن كومەكتىڭ العاشقى لەگى, قولداۋ كورسەتۋ ءجۇمىسى جالعاسۋدا. ەندى بىرەر كۇننەن كەيىن كەزەكتى كەرۋەن جولعا شىقپاقشى.
سونداي-اق جەتىسۋدىڭ ەرىكتى جاستارى ماقتاارال اۋماعىنداعى قالىپقا كەلتىرۋ ىسىنە قولعابىس ەتپەك. وسى جولعى كەرۋەنمەن بەرگە 15 ۆولونتەر ەرە كەلىپ, الداعى 10 بويىنا قۇرىلىس جۇمىستارىنا ارالاسادى.
- تۇركىستان وبلىسى ماقتاارال اۋدانىندا ورىن العان اپات بارشا قازاقستاندىقتاردىڭ قابىرعاسىن قايىستىرىپ, الاڭداتقانى بەلگىلى. وسىعان بايلانىستى وڭىرگە ەل بولىپ قولداۋ كورسەتىپ, مەملەكەتىمىزدىڭ تۇكپىر-تۇكپىرىنەن كومەك كەلىپ جاتىر. تەڭىزدەي كوڭىلمەن تامشىداي ۇلەسىن قوسام دەگەن اعايىننىڭ نيەتىن جۇرەكجاردى تىلەكتەرى مەن ءار وڭىردەن كەلىپ جاتقان جۇك كولىكتەرى دالەلدەپ جاتىر. بۇل ىسكە جەتىسۋلىقتار دا جۇمىلدى. مىنە, كەرۋەندى باستاپ وڭتۇستىككە كەلىپ قالدىق. جاستار جۇمىلىپ, قام كوڭىل ادامدارعا كومەك كورسەتپەك.. ورازا تۇتقان اعايىنعا جەتىسۋلىقتار اتىنان اۋىزاشار بەردىك. 15 ۆولەنتەر اپات زاردابىن جويۋعا قولعابىس ەتەدى. بۇل كەرۋەن الماتى وبلىسىنان كەلگەن كومەكتىڭ باسى, ىزگى شارا جالعاسادى, - دەيدى الماتى وبلىسىنىڭ جاستار ساياساتى باسقارماسىنىڭ باسشىسى جومارت قاراتاس.
