ونى جيناۋعا اقتوبە قالالىق اكىمدىگىنىڭ قولداۋىنا سايكەس AntiCovid-19 ۆولونتەرلار توبى كومەك كورسەتتى. وسىلايشا اقتوبەدەن تۇركىستان وبلىسىنىڭ ماقتاارال اۋدانىنا ازىق-ت ۇلىك پەن كيىم-كەشەك جانە وزگە دە قاجەتتى قۇرال-جابدىقتار تيەلگەن 25 جۇك اۆتوكولىگى اتتانىپ كەتتى. وسى قايىرىمدىلىق كومەككە بايلانىستى اقتوبە قالاسىنىڭ اكىمى اسحات شاحاروۆ «Egemen.kz» تىلشىسىنە ءوز وي-پىكىرىن تومەندەگىشە جەتكىزدى.
- ماقتاارال اۋدانىنىڭ كوپتەگەن تۇرعىندارىنىڭ ۇيلەرىن تەحنوگەندىك اپات كەزىندە سۋ باسىپ قالدى. سونىمەن بىرگە ولاردىڭ دۇنيە م ۇلىكتەرى دە ءب ۇلىندى. وسىنداي قيىن كەزەڭدە جوعارىدان ەشقانداي نۇسقاۋ كۇتپەستەن اۋىزبىرشىلىك تانىتىپ, قولدارىنداعى بارىن بولىسكەن اقتوبەلىك تۇرعىندارعا العىسىمىز شەكسىز. ۆولونتەرلەر مەن جۇك كولىگىنىڭ جۇرگىزۋشىلەرىنە دە العىسىمىز مول. ولارعا اق جولدارىڭىز بولسىن دەمەكپىز, - دەدى ول.
