ەكونوميكا • 13 مامىر، 2020

اۋىل شارۋاشىلىعى مينيسترلىگى ەكسپورت بويىنشا شەكتەۋلەردى الىپ تاستاۋدى جوسپارلاۋدا

15 رەت كورسەتىلدى

بۇل تۋرالى اۋىل شارۋاشىلىعى مينيسترلىگىنىڭ  باسپاسوز قىزمەتى حابارلادى.

«تىيىم سالۋ جانە كۆوتالار  تۇرىندەگى بارلىق رەتتەۋ شارالارى ۋاقىتشا. قازىر كورونوۆيرۋس ىندەتىنە بايلانىستى كارانتيندىك شارالار جەڭىلدەتىلدى، دەمەك، تاۋار اينالىمى دا بىرتىندەپ قالپىنا كەلەدى. سوندىقتان، 2020 جىلدىڭ 1 ماۋسىمىنان باستاپ استىق پەن ۇنعا، سونداي-اق باسقا دا تاماق ونىمدەرىنە  قويىلعان بارلىق شەكتەۋلەردى الىپ تاستاۋ جوسپارلانىپ وتىر. مۇنىڭ ءۇش سەبەبى بار:

- بىرىنشىدەن، ەنگىزىلگەن تىيىمدار مەن كۆوتالار ءوز ناتيجەسىن بەردى، ءبىز جاڭا ءونىم الۋعا جاقىندادىق جانە ازىق-ت ۇلىك قاۋىپسىزدىگىنىڭ قاتەرىن جويدىق;

-ەكىنشىدەن، ۋاقتىلى قابىلدانعان شارالاردىڭ ارقاسىندا وڭىرلەردىڭ تۇراقتاندىرۋ قورلارى ۇن جانە باسقا دا ازىق-ت ۇلىك ونىمدەرىن جەتكىزۋدى قامتاماسىز ەتتى;

- ۇشىنشىدەن، نەگىزگى استىق وسەتىن ايماقتاردا ەگىس ناۋقانى باستالدى، بارلىق دايىندىق جۇمىستارى جۇرگىزىلدى، ىلعالدىڭ جينالۋى جەتكىلىكتى، «قازگيدرومەت» ماۋسىم-تامىز ايلارىندا ورتاشا تەمپەراتۋرا رەجيمىن جانە جاۋىن-شاشىننىڭ جەتكىلىكتى مولشەرىن بولجايدى. مۇنىڭ ءبارى ەلدىڭ ازىق-ت ۇلىك قاۋىپسىزدىگىن تولىق قامتاماسىز ەتۋگە جەتكىلىكتى داقىل جينالاتىندىعىن بولجاۋعا مۇمكىندىك بەرەدى»، - دەدى اشم باسشىسى.

ەسكە سالا كەتسەك، توتەنشە جاعدايدىڭ ەنگىزىلۋىنە بايلانىستى جانە كارانتين كەزەڭىندە ازىق-ت ۇلىك قاۋىپسىزدىگىن قامتاماسىز ەتۋ ماقساتىندا اۋىل شارۋاشىلىعى مينيسترلىگى 22 ناۋرىزدان باستاپ الەۋمەتتىك ماڭىزى بار اۋىلشارۋاشىلىق ونىمدەرىنىڭ جەكەلەگەن تۇرلەرىن ەكسپورتتاۋعا شەكتەۋلەر ەنگىزگەن بولاتىن.

وسى جىلدىڭ 2 ساۋىرىندە، رەسپۋبليكا ايماقتارىنداعى ازىق-ت ۇلىك قورلارى قايتا ناقتىلانىپ، تالداۋدان وتكەننەن كەيىن، ۆەدومستۆو اۋىل شارۋاشىلىعى ءمينيسترىنىڭ كەيبىر تاۋارلاردىڭ ەكسپورتىن ناقتى رەتتەيتىن «جەكەلەگەن تاۋارلاردى قازاقستان رەسپۋبليكاسىنىڭ اۋماعىنان شىعارۋدىڭ كەيبىر ماسەلەلەرى تۋرالى» № 111 جاڭا بۇيرىعىن دايىندادى. تىيىم سالىنعان قاراقۇمىق جارماسى، اق قانت، كارتوپ، پياز، سارىمساق، تۇقىمدار مەن كۇنباعىس مايلارى بولدى.

كۆوتا بويىنشا ەكسپورتتالاتىن تاۋارلار تىزىمىنە ءسابىز،  قىزىلشا، قىرىققابات، سونداي-اق ۇن مەن بيداي كىرگەن.

سوڭعى جاڭالىقتار

ۇقساس جاڭالىقتار