ماۋسىم جانە شىلدە ايلارىندا ساناۋلى ەلدەر عانا تۋرنير وتكىزە الادى. ال حالىقارالىق جارىستار 8-9 تامىزدا وتەتىن ۇلتتىق بىرىنشىلىكتەردەن سوڭ باستاۋ الادى دەپ كۇتىلۋدە. الەمدىك جەڭىل اتلەتيكانىڭ بيىلعى ماۋسىمى فينلياندياداعى پااۆو نۋرمي ويىندارى قۇرلىقتىق تۋرىمەن باستالادى.
Continental Tour Gold اياسىندا ۇيىمداستىرىلاتىن توعىز كەزدەسۋدىڭ سەگىزى تامىز پەن قازان ارالىعىنا جوسپارلانعان. Wanda گاۋھار ليگاسى 14 تامىزدا موناكودا باستالىپ, قازان ورتاسىنا دەيىن جالعاسادى. كوروناۆيرۋسقا بايلانىستى جارىستى ۇيىمداستىرۋشىلار سەريالىق ەسەپ جۇرگىزىلمەيتىنىن جانە بيىل جالپى ەسەپتەگى جەڭىمپاز انىقتالمايتىنىن مالىمدەدى.
سونداي-اق تسيۋريحتەگى فينال دا وتكىزىلمەيدى. گاۋھار ليگاسىنداعى ءاربىر جارىستىڭ فورماتى الدىن الا دايىندالىپ, تۋرنيرگە ەنگىزىلگەن سپورت تۇرلەرى حابارلانادى.
