«يمپورتتىق كولىكتەردىڭ باعاسى ءسوزسىز جوعارىلايدى, بىراق باعاداعى وزگەرىستەر كەزەڭ-كەزەڭمەن جۇرەدى. قازىر ءالى دە بەلگىلەنگەن باعامەن اۆتوموبيلدەر قورى بار, بىراق ول ءبىر جارىم ايعا سوزىلۋى مۇمكىن. بۇل باعانىڭ جاقىن ارادا 5-7% -دان اسپاۋىنا مۇمكىندىك بەرىپ وتىر. ءبىز جاڭا كولىكتەردىڭ باعاسىنىڭ 15-20%-دان اسىپ كەتپەۋى ءۇشىن كەلىسسوزدەر جۇرگىزىپ جاتىرمىز», دەيدى ب. نەسىپباەۆ.
ول قازاقستاندىق اۆتوكولىك نارىعى ءۇشىن 2020 جىل تۇراقتى باستالعانىن ەسكە ءتۇسىرىپ ءوتتى. بۇل الداعى ۋاقىتتا باعانىڭ جاڭا ءدالىزى 20% -دان اسپاۋىنا مۇمكىندىك بەرەدى. بىراق سوڭعى ءۇش ايدا ساتىلىپ تومەندەپ كەتكەن. ۆاليۋتا باعامىنىڭ كۇرت كوتەرىلۋى, كوروناۆيرۋستىق پاندەميا جانە كارانتينگە بايلانىستى ديلەرلىك قىزمەتتى توقتاتا تۇرۋ 2015-2016 جىلدارداعى سوڭعى داعدارىستان تولىقتاي قالپىنا كەلتىرۋگە ۇلگەرمەگەن اۆتوكولىك بيزنەسىنە ايتارلىقتاي زيان كەلتىردى.
سپيكەر اۆتوكولىكتەردى ونلاين تىركەۋگە جالپىعا كوشىرۋ ءۇشىن ۋاقىتتى, باعدارلامانى جانە فۋنكتسيونالدى كەڭەيتۋدى تەستىلەۋ قاجەت ەكەنىن اتاپ ءوتتى. رەسمي ديلەرلەردىڭ اۆتوموبيلدەرىنىڭ بارلىق ساتىلىمدارى ونلاين-تىركەۋدەن ءوتۋى ابدەن مۇمكىن.
ب. نەسىپباەۆ حالىقتىڭ ناقتى اقشالاي تابىسىنىڭ تومەندەۋىنە بايلانىستى جاڭا كولىكتەرگە سۇرانىستىڭ ازاياتىندىعىن اتاپ ءوتتى. الايدا كارانتيندىك رەجىم الىنىپ تاستالعاننان كەيىن قازاقستاندىقتار اۆتوموبيلدەردى ەسكى باعامەن ساتىپ الۋعا اسىعادى, بۇل جاڭا كولىكتەردىڭ نارىعىنا كەرى اسەر ەتۋى ابدەن مۇمكىن.
سونداي-اق ب. نەسىپباەۆ اتىراۋ, نۇر-سۇلتان قالالارىندا جاڭا اۆتوكولىك ورتالىقتارىن سالۋ جوسپارلارى كوپ بولعانىن, بىراق قازىر ولار ۋاقىتشا توقتاپ تۇرعانىن ايتتى. «تەك Hyundai جەڭىل اۆتوموبيلدەر شىعاراتىن زاۋىتتىڭ قۇرىلىسى جالعاسۋدا جانە جاقىن ارادا نۇر-سۇلتان مەن الماتىدا مامانداندىرىلعان حابتاردىڭ قۇرىلىسى باستالادى», دەپ تۇيىندەدى ول.
سونىمەن بىرگە «قازاۆتوپروم» وداعىنىڭ ستراتەگيالىق جوسپارلاۋ جونىندەگى ديرەكتورى ارتۋر ميسكاريان نارىقتاعى ەڭ تانىمال مودەلدەردىڭ كوپشىلىگىنىڭ باعاسى وزگەرىسسىز قالاتىنىن ايتتى. «مۇنى ءوندىرىستى لوكاليزاتسيالاۋ ناتيجەلەرىنە جاتقىزۋعا بولادى. بۇل تاۋار نارىعى مەن ۇلتتىق ۆاليۋتانىڭ باعامى قانشالىقتى تۇراقتى بولاتىنىنا بايلانىستى», - دەدى ول.
ميسكاريان قازىرگى ۋاقىتتا اۆتوكولىك نارىعى توتەنشە جاعداي مەن كارانتين جاريالاعان شەكتەۋلەردىڭ ىقپالىندا ەكەنىن ايتتى. كوپتەگەن وڭىرلەردە اۆتوورتالىقتاردىڭ جۇمىسى توقتاتىلادى نەمەسە قاتاڭ سانيتارلىق تالاپتارعا سايكەس جانە قىسقارتىلعان رەجىمگە اۋىسادى.
ميسكاريان اۆتوكولىكتەردى ونلاين ساتىپ الۋعا دا نازار اۋداردى. ونىڭ ايتۋىنشا, بولاشاقتا ينتەرنەت-ساتىلىمنىڭ ءرولى كۇشەيەدى.
ء«بىز بۇل سەگمەنت بىردەن دامىپ كەتەدى دەپ ويلامايمىز. سەبەبى ساتىپ الۋشى اۆتوسالونعا بارىپ, كىمدەردەن مامىلەگە كەلىپ جاتقانىن كوزبەن كورمەيىنشە كوڭىلدەرى تولمايتىنىن بىلەمىز. بىراق بىزدە ونلاين ساۋدانى ءتىپتى قازىر جۇرگىزۋگە مۇمكىندىك بار. بۇل ساتىپ الۋشىلار ءۇشىن دە ءتيىمدى بولادى. سەبەبى بارلىق ماسەلە مامىلەدەگى شارتتارعا بايلانىستى. ونداعى باپتارمەن كليەنتتەردىڭ كەلىسپەۋگە نەمەسە قايتا جازدىرۋعا قۇقى بار», دەپ اتاپ ءوتتى ميسكاريان.
سونىمەن بىرگە ميسكارياننىڭ ايتۋىنشا, قازىرگى جاعداي حالىقتىڭ تابىسىنا بايلانىستى. سوندىقتان سۇرانىس حالىقتىڭ تابىس دەڭگەيىنە قاراپ داميدى.
ء«ساۋىر ايىندا ۆاگونداردىڭ قورلارى ءوستى, سوندىقتان مامىردا ءوندىرىستىڭ باسەڭدەۋى مۇمكىن. بۇگىنگى تاڭدا نەگىزگى سالالىق كاسىپورىندار بارلىق مىندەتتەمەلەرگە تولىقتاي قىزمەت ەتەدى».
ەستەرىڭىزگە سالا كەتەيىك, ساۋىردە قازاقستاندا اۆتوموبيلدەردى تىركەۋ 40 ەسەگە ازايدى.
