اتالعان جوبانىڭ نەگىزگى ماقساتى – سۇرانىسقا يە ونەركاسىپتىك جانە سەرۆيستىك 100 ماماندىق بويىنشا 180 كوللەدج بەن 20 جوو-ىن جاڭعىرتۋدى جانە بىلىكتى مامانداردى دايارلاۋدا حالىقارالىق تاجىريبەنى ەنگىزۋ. جوبا اياسىندا شەشىمدەر قابىلداۋدىڭ اشىقتىعىن قامتاماسىز ەتۋ ءۇشىن بارلىق مۇددەلى مەملەكەتتىك ورگانداردىڭ, سالالىق قاۋىمداستىقتاردىڭ جانە «اتامەكەن» ۇكپ قاتىسۋىمەن «جاس مامان» جوباسىن ىسكە اسىرۋ جونىندەگى كوميسسيا قۇرىلعان. جوبا اياسىنداعى بارلىق شەشىمدەردى كوميسسيا تالقىلاپ, قابىلدايدى. وسىعان وراي ەڭبەك جانە حالىقتى الەۋمەتتىك قورعاۋ مينيسترلىگى سۇرانىسقا يە 100 ماماندىقتىڭ ءتىزىمىن انىقتادى. ايتا كەتۋ كەرەك, 180 كوللەدج جانە 20 جوو ىرىكتەۋ ساپا كورسەتكىشتەرى بويىنشا كونكۋرستىق نەگىزدە جۇرگىزىلگەن. كوللەدجدەردە كادرلاردى دايىنداۋدىڭ حالىقارالىق ستاندارتتارىن ەنگىزۋ ءۇشىن شەتەلدىك سەرىكتەستەر تارتىلادى. ولارمەن بىرلەسىپ كادرلاردى دايىنداۋ باعدارلامالارىن جاڭارتۋ, وقىتۋشىلاردى دايارلاۋ جانە وقۋ ورنى مەن مەنەدجمەنت پروتسەستەرىن جەتىلدىرۋ بويىنشا جۇمىس ۇيىمداستىرىلعان.
سونىمەن قاتار 2020 جىلى 80 كوللەدجدى زاماناۋي جابدىقتارمەن جاراقتاندىرۋعا رەسپۋبليكالىق بيۋدجەتتەن 25,8 ملرد تەڭگە قاراستىرىلعان. حالىقارالىق ستاندارتتارعا سايكەس جاڭا جابدىقتارمەن, باعدارلامالارمەن كوللەدجدەردە وقۋدى باستاۋ اعىمداعى جىلدىڭ 1 قىركۇيەگىنەن باستاپ, ال قالعان 100 كوللەدجدى كەلەسى جىلى جابدىقتاۋ جوسپارلانعان.
كوللەدجدەردى جابدىقتاۋعا ارنالعان جابدىقتاردىڭ ءتىزىمى جەرگىلىكتى اتقارۋشى ورگاندار مەن كوللەدجدەردىڭ ۇسىنىستارىنا, جۇمىس بەرۋشىلەردىڭ تالاپتارى مەن WorldSkills ستاندارتتارىنا سايكەس جاسالعان. جابدىقتاردى ساتىپ الۋ قازاقستان رەسپۋبليكاسىنىڭ مەملەكەتتىك ساتىپ الۋ تۋرالى قولدانىستاعى زاڭناماسىنا سايكەس جۇزەگە اسىرىلاتىنىن ايتا كەتسەك دەيمىز. «جاس مامان» جوباسى ناتيجەلەرىنىڭ ىسكە اسىرىلۋى بارلىق مۇددەلى تاراپتاردىڭ قاتىسۋىمەن باقىلانادى.
جوبانى جۇزەگە اسىرۋشىلاردىڭ سوزىنشە, سالالىق حالىقارالىق ستاندارتتاردىڭ ەنگىزىلۋىنە بايلانىستى كاسىپورىنداردىڭ جۇمىس ىستەپ تۇرعان قىزمەتكەرلەرىن ولاردىڭ تالاپتارىنا سايكەس وقىتۋ جانە قايتا دايارلاۋ بولىگىندە كاسىپورىندارمەن ءوزارا ءتيىمدى ىنتىماقتاستىق ورناتىلادى. بۇل كوللەدجدەرگە كومپانيانىڭ وقۋ/ترەنينگ ورتالىعى رەتىندە قىزمەت ەتۋگە مۇمكىندىك بەرەدى, وسىلايشا كوللەدجدىڭ ودان ءارى دامۋىنا قوسىمشا بيۋدجەتتەن تىس كىرىستى قامتاماسىز ەتەدى. سونداي-اق قۇزىرەتتىلىك ورتالىقتارىنىڭ بازاسىندا جاستاردى يننوۆاتسيالىق جانە ستارتاپ-جوبالارعا تارتۋ ءۇشىن بيزنەس-ينكۋباتورلار/تەحنوپاركتەردىڭ جۇمىسى ۇيىمداستىرىلادى, وندا تارتىمدى جوبالاردى قارجىلاندىرۋ ءۇشىن بيزنەس ورتا شوعىرلاندىرىلاتىن بولادى.
مىسالى, 2019 جىلى «APEC PetroTechnic» (اتىراۋ) جوعارى كوللەدجىنە تۇسۋگە قۇجاتتاردى قازاقستاننىڭ بارلىق وڭىرلەرىنەن 3 مىڭعا جۋىق ادام تاپسىرعان.
«جەرگىلىكتى مۇناي سەرۆيستىك كومپانيالارعا جاھاندىق برەندتەرمەن باسەكەلەسۋدىڭ قيىن بولۋىنىڭ بىردەن-ءبىر سەبەبى – كادرلار بىلىكتىلىگىنىڭ تومەندىگى. ەگەر قازاقستاندىق وقۋ ورىندارى حالىقارالىق ستاندارتتار بويىنشا كادرلاردى بىردەن دايارلايتىن بولسا جانە جۇمىس بەرۋشىلەرگە جالعا الۋ الدىندا جاس مامانداردى «قوسىمشا وقۋعا» جانە سەرتيفيكاتتاۋعا تۋرا كەلمەسە – بۇل قازاقستاندىق كومپانيالاردىڭ بيۋدجەتتەرىنە تۇسەتىن جۇكتەمەنى ايتارلىقتاي ازايتادى, سونداي-اق جەرگىلىكتى ستۋدەنتتەر ەڭبەك نارىعىنا ءبىراز تارتىلار ەدى», دەپ اتاپ ءوتتى «Petrocouncil» مۇناي-گاز سالاسىنداعى ستراتەگيالىق ارىپتەستىكتى دامىتۋ جونىندەگى كەڭەستىڭ جەتەكشىسى اسىلبەك دجاكيەۆ.
ال Schlumberger كومپانياسى قازاقستاندا جىل سايىن APEC تۇلەكتەرى اراسىنان ستۋدەنتتەردى جۇمىسقا ورنالاستىرۋ ءۇشىن تەستىلەۋ وتكىزەدى.
«ارەس تۇلەكتەرى جىل سايىن تەستىلەۋگە قاتىسىپ, اعىلشىن ءتىلىنىڭ جەتكىلىكتى ءبىلىمىن, كاسىبي داعدىلارى مەن اقپاراتتىق تەحنولوگيالاردى كورسەتەدى. مىسالى, ستۋدەنتتەردىڭ كوپشىلىگى الەم بويىنشا مۇناي ءوندىرۋشى كومپانيالاردى پايدالاناتىن Petrel جانە Eclipse باعدارلاماسىن بىلەدى. ءبىلىم جاقسىراق بولعاندىقتان, ماماندى دايىنداۋعا از ۋاقىت جۇمسايمىز, ياعني ساپالى دايىندىق APEC تۇلەكتەرىن ءبىزدىڭ كومپانيامىزدا جۇمىسقا ورنالاستىرۋ مۇمكىندىگىن ارتتىرادى», دەيدى قازاقستانداعى Schlumberger HR مەنەدجەرى ايجان جانعوجينا.
سونىمەن قاتار APEC PetroTechnic وقىتۋشىلارى OPITO سەرتيفيكاتتاۋدان ءوتىپ, حالىقارالىق ستاندارتتارعا ساي باعدارلامالار بويىنشا جۇمىس ىستەۋدە. بۇل قازاقستاندىق جاستاردى ساپالى وقىتۋعا مۇمكىندىك بەرىپ قانا قويماي, ءوز كەزەگىندە قازاقستاننىڭ بارلىق مۇناي-گاز سالاسىنىڭ دامۋىنا وڭ ىقپال ەتەتىنى ءسوزسىز. تاريحى باي قازىرگى زامانعى جانە الدىڭعى قاتارلى قازاقستاندىق مۇناي كومپانياسىنىڭ ءبىرى «ەمبىمۇنايگاز» جىل سايىن اتالعان كوللەدجدىڭ 50-گە جۋىق ستۋدەنتتەرىن دۋالدى وقىتۋ مەن پراكتيكاعا شاقىرادى. كومپانيا ستۋدەنتتەرگە جۇمىس بەرۋمەن قوسا, باعدارلامالاردى, جابدىقتاردى جاڭارتۋعا جانە وقىتۋشىلار قۇرامىنا ارنالعان تاعىلىمدامانى ۇيىمداستىرۋعا كومەكتەسەدى.
«APEC رetrotechnic ستۋدەنتتەرىنىڭ ارتىقشىلىقتارىنىڭ ءبىرى – كوللەدجدىڭ زاماناۋي جابدىقتارمەن قامتاماسىز ەتىلگەن شەبەرحانالارىندا جۇمىستىڭ پراكتيكالىق داعدىلارى ارقىلى وندىرىستە جۇمىس ىستەۋگە كىرىسۋگە دايىن بولۋى ءۇشىن شىنايى ءوندىرىس پروتسەسى جاسالعان. ءاموز كاسىبي وندىرۋشىلەرى ستۋدەنتتەردى پراكتيكامەن عانا قامتاماسىز ەتىپ قويماي, پروتسەستەردى وزگەرتىپ, جاقسارتقىسى كەلەتىن تالانتتى جاستاردىڭ يدەيالارىن دامىتادى», دەيدى «اتىراۋ مۇناي وڭدەۋ زاۋىتى» جشس HR مەنەدجەرى اسەل جايلاشەۆا.
SPE Atyrau Section 2020 پرەزيدەنتى بەرىك ۋاپ ارەس ستۋدەنتتەرىنىڭ SPE ومىرىنە بەلسەندى قاتىسۋى قۋانتاتىنىن جەتكىزىپ, ستۋدەنتتەر سالا كاسىپقويلارى اراسىندا ءوز جوبالارى ءۇشىن مەنتورلاردى تاۋىپ, الەۋەتتى جۇمىس بەرۋشىلەرمەن تانىسۋعا تاماشا مۇمكىندىك الاتىنىن اتاپ ءوتتى. ۇيىمداستىرۋشىلاردىڭ سوزىنشە, ءساتتى تاجىريبەنىڭ ناتيجەسىندە APEC PetroTechnic جوعارى كوللەدجى «جاس مامان» جوباسى اياسىندا قازاقستاننىڭ باسقا 180 كوللەدجىن جاڭعىرتۋ ءۇشىن ۇلگى بولدى دەيدى.
