«مەملەكەتتىك اۆياتسيادا اۆياتسيالىق وقيعالاردى بولعىزباۋ جونىندەگى نۇسقاۋلىقتى بەكىتۋ تۋرالى» قورعانىس ءمينيسترىنىڭ 2017 جىلعى 24 تامىزداعى №486 بۇيرىعىنا دا وزگەرىستەر مەن تولىقتىرۋلار ەنگىزىلەدى.
بۇيرىق جوباسى مەملەكەتتىك اۆياتسيادا اۆياتسيالىق وقيعالاردى بولعىزباۋ جونىندەگى اۆياتسيا پەرسونالى جۇمىسىنىڭ تيىمدىلىگىن ارتتىرۋعا ىقپالىن تيگىزەتىن بولادى.
اتالعان نۇسقاۋلىقپەن مەملەكەتتىك اۆياتسيانىڭ اۆياتسيالىق پەرسونالىنىڭ قىزمەتى رەگلامەنتتەلگەن. وزگەرىستەر مەن تولىقتىرۋلار قازاقستان مەملەكەتتىك اۆياتسياسى ۇشۋلار قاۋىپسىزدىگى جونىندەگى كونفەرەنتسياسى حاتتاماسىنا, سونىمەن قاتار مەملەكەتتىك اۆياتسيا قىزمەتىن رەگلامەنتەيتىن نورماتيۆتىك-قۇقىقتىق اكتىلەرى قولدانىستاعى زاڭناماسىنىڭ تالاپتارىنا سايكەس تالداۋدىڭ قورىتىندىسى بويىنشا ازىرلەندى.
ودان بولەك, «اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى زاڭعا ەنگىزىلگەن تۇزەتۋلەرگە سايكەس «قازاقستان رەسپۋبليكاسى مەملەكەتتىك اۆياتسياسى قىزمەتىن باقىلاۋ جانە قاداعالاۋ ورگانىنىڭ اسكەري قىزمەتشىلەرىنە قىزمەتتىك كۋالىگىن بەرۋ جانە پايدالانۋ قاعيدالارىن جانە ونىڭ سيپاتتاماسىن بەكىتۋ تۋرالى» قورعانىس ءمينيسترىنىڭ 2017 جىلعى 20 شىلدەدەگى №370 بۇيرىعىن جويۋ تۋرالى» بۇيرىق ءوز كۇشىن جويدى.
سونىمەن قاتار قۇرىلىمدىق بولىمشەمەن «ۇشۋ قاۋىپسىزدىگى ماسەلەلەرى بويىنشا مەملەكەتتىك اۆياتسيانىڭ قىزمەتىنە مەملەكەتتىك باقىلاۋدى جانە قاداعالاۋدى جۇرگىزۋ قاعيدالارىن بەكىتۋ تۋرالى» قورعانىس ءمينيسترىنىڭ 2017 جىلعى 7 تامىزداعى №424 بۇيرىعىنا وزگەرىستەر ەنگىزىلۋدە. جاڭا رەداكتسيادا تەكسەرۋ جۇرگىزۋ ءۇشىن وبەكتىگە كەلگەن ۇشۋ قاۋىپسىزدىگى ورگاندارىنىڭ لاۋازىمدى تۇلعالارىنا قىزمەتتىك كۋالىكتەرىن كورسەتۋلەرىن قاجەت ەتەتىن تارماقشاعا وزگەرتۋ ەنگىزۋ ۇسىنىلادى. ونىڭ ورنىنا جەكە كۋالىكتى كورسەتۋدى بەلگىلەۋ ۇسىنىلادى.
جوعارىدا اتالعان بۇيرىقتاردىڭ جوباسى «ەلەكتروندىق ۇكىمەت» سايتىنىڭ «اشىق نقا» بولىگىندە ورنالاستىرىلعان, مۇددەلى مەملەكەتتىك ورگاندارمەن كەلىسۋ ءۇشىن دايىندالدى.
