مينيسترلىك وسى جىلدىڭ 23 ناۋرىزىنان باستاپ ەل تۇرعىندارىن رۋحاني, مادەني تۇرعىدان بايىتۋ, ءارتۇرلى جاستاعى ازاماتتاردىڭ سپورتتىق بەلسەندىلىگىن قولداۋ ماقساتىندا بىرقاتار جوبالاردى جۇزەگە اسىرىپ كەلەدى. وسى رەتتە مادەنيەت, سپورت, تۋريزم سالاسى ماماندارىنىڭ ۇيىمداستىرۋىمەن وتكەن ءدارىس, ۆەبينار, ونلاين-كونتسەرت («كارانتيندەگى جۇلدىز» «قازاقتەلەكوم» اق بىرلەسكەن جوبا), ونلاين-كونكۋرس («ونەرلى ورەن» بالالارعا ارنالعان رەسپۋبليكالىق كونكۋرس), ۆيرتۋالدى ەكسكۋرسيا, بالالارعا ارنالعان ەرتەگىلەر, بەلگىلى اتلەتتەرمەن وتكىزىلەتىن جاتتىعۋلار, قاشىقتان جانە ونلاين رەجيمدەگى سپەكتاكلدەر مەن فيلمدەردى ايتا كەتكەن ءجون.
11 مامىردا مەملەكەت باسشىسى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ قورىتىندى وتىرىسىندا توتەنشە جاعداي رەجيمى اياقتالعانىمەن, ىندەت بəسەڭسىمەي تۇرعان كەي وڭىرلەردە ساقتىق ءىس-شارالارى جۇرگىزىلە بەرەتىنىن ايتقان ەدى. وسىعان بايلانىستى مينيسترلىك ونلاينداعى جۇمىسىن جاڭا فورماتتا جالعاستىرادى.
بۇگىننەن باستاپ ەل تۇرعىندارىنا كۇن سايىن 5 مəدەني-سپورتتىق ءىس-شارا ونلايندا قولجەتىمدى بولادى.
تاڭعى ساعات 08:00-دە #BizBirgemiz #العاقازاقستان حەشتەگىمەن تانىمال سپورتشى, باپكەرلەردىڭ قاتىسۋىمەن تاڭعى جاتتىعۋ وتەدى. ەلگە ەسىمى تانىس اتلەتتەر جالپى حالىققا سالاۋاتتى ءومىر سالتىن قالىپتاستىرۋدى ناسيحاتتاپ, وسى باعىتتا ەلەۋلى ۇلەس قوسىپ كەلەدى.
«ەرتەگىلەر əلەمىندە» اتتى باعدارلاما ساعات 12:00 مەن 20:30-دا مادەنيەت جانە سپورت مينيسترلىگىنىڭ You Tube ارناسى مەن bizbirgemiz_culture ينستاگرام پاراقشاسىنان ەفيرگە شىعادى. ەلىمىزدىڭ ۇزدىك تەاتر اكتەرلەرى بالالارمەن قيال-عاجايىپ əلەمىنە ساياحاتتايدى.
ساعات 14:00-دە #óneronline #وnlinedabol حەشتەگىمەن مəدەنيەت, ونەر تاقىرىبىندا ونلاين-دəرىستەر وتەدى. بۇل شەبەرلىك-ءدارىسىن مادەنيەت جانە سپورت مينيسترلىگىنىڭ You Tube ارناسىنان تاماشالاي الاسىزدار.
ال ساعات 18:00-دە قازاقستاننىڭ ماڭداي الدى بالەت ۇجىمدارى وزىق قويىلىمدارىن مادەنيەت جانە سپورت مينيسترلىگىنىڭ You Tube ارناسى مەن bizbirgemiz_culture ينستاگرام پاراقشاسىندا تارتۋ ەتەدى.
20:00-دە تانىمال əنشىلەرىمىزدىڭ مəدەنيەت جəنە سپورت مينيسترلىگىنىڭ التىن قورىنداعى كونتسەرتى مەن وپەرا مايتالماندارىنىڭ ونەرىنە مادەنيەت جانە سپورت مينيسترلىگىنىڭ You Tube ارناسى مەن bizbirgemiz_culture ينستاگرام پاراقشاسىنان كۋə بولا الاسىزدار.
ايتا كەتەيىك, كارانتين كەزىندە كوپشىلىكتىڭ جوعارى باعاسىنا يە بولعان مادەنيەت جانە سپورت مينيسترلىگى مەن «قازاقتەلەكوم» اق-مەن بىرلەسىپ ازىرلەگەن «كارانتيندەگى جۇلدىز» ونلاين-جوباسى اياقتالدى.
