ەكونوميكا • 12 مامىر، 2020

ەلدەگى قىزمەت كورسەتۋ سەكتورى قالپىنا كەلتىرىلەدى - اسقار مامين

15 رەت كورسەتىلدى

پرەمەر-مينيستر اسقار مامين ۇكىمەت وتىرىسىندا ەلىمىزدە توتەنشە جاعدايدىڭ اياقتالۋى جانە كارانتيندىك شارالاردىڭ جەڭىلدەتىلۋىنە بايلانىستى قىزمەت كورسەتۋ سەكتورى قالپىنا كەلتىرىلە باستايتىنىن ايتتى.

«وسى جىلدىڭ 4 ايىنىڭ قورىتىندىسى بويىنشا ەكونوميكا 0،2 پايىزعا تومەندەدى. بۇعان سەبەپ كارانتيندىك شەكتەۋلەر بولدى. اسىرەسە قىزمەتتەر كورسەتۋ سەكتورىنىڭ بەلسەندىلىگى كارانتين كەزىندەگى ەكى ايدا تومەندەدى. ساۋدا مەن كولىك سالالارى بويىنشا ءساۋىر ايىنىڭ كورسەتكىشتەرى ناۋرىز ايىمەن سالىستىرعاندا 30 پايىزعا تومەندەدى»، دەدى اسقار مامين.

ونىڭ ايتۋىنشا، وتكەن 4 ايدا ەكونوميكانىڭ بازالىق سالالارىندا وڭ ديناميكا ساقتالعان.

«وڭدەۋ ونەركاسىبىندە ءوسىم 7 پايىزدى، تاۋ-كەن ونەركاسىبىندە 6 پايىز، قۇرىلىستا 5،5 پايىزدى قۇرادى. سونداي-اق ماشينا جاساۋدا ءوسۋدىڭ جوعارى قارقىنى (25،4 پايىز) ساقتالدى. جەڭىل ونەركاسىپتەگى ءوسىم 13،9%-دى، فارماتسەۆتيكادا – 24،2%-دى، سونداي-اق بايلانىس قىزمەتتەرىندە – 9،6%-دى، اۋىل شارۋاشىلىعىندا – 2،2%-دى قۇرادى. نەگىزگى كاپيتالعا سالىنعان ينۆەستيتسيالار 0،9%-عا ءوستى. التىن-ۆاليۋتا قورى 30،5 ملرد دوللار، ۇلتتىق قور اكتيۆتەرى 58،5 ملرد دوللاردى قۇرادى. ەلىمىزدە توتەنشە جاعدايدىڭ اياقتالۋى جانە كارانتيندىك شارالاردىڭ جەڭىلدەتىلۋىنە بايلانىستى قىزمەت كورسەتۋ سەكتورى قالپىنا كەلتىرىلە باستاۋى ءتيىس»، - دەدى ۇكىمەت باسشىسى.

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار