بۇعان دەيىن ناقتى تۇجىرىمدار جاساعان سينگاپۋر تەحنولوگيالار جانە ديزاين ۋنيۆەرسيتەتىنىڭ عالىمدارى كوروناۆيرۋستىڭ اياقتالۋى تۋرالى بولجامدارىنىڭ ءار ءتۇرلى جاعدايعا بايلانىستى وزگەرتەتىنىن مالىمدەدى. ولار سايتتان بارلىق سىزبالاردى الىپ تاستاپ, باسقا زەرتتەۋ ورتالىقتارىنىڭ مودەلدەرىن كورۋدى ۇسىندى.
ماماندار 131 ەلدىڭ دەرەكتەرىن زەرتتەگەن. بولجاۋ جاساۋ ءۇشىن SIR مودەلىن قولدانعان. بۇل - ينفەكتسيانىڭ تارالۋىنىڭ ماتەماتيكالىق مودەلى. ول اۋرۋدىڭ ديناميكاسىن سيپاتتايدى. زەرتتەۋ اۆتورلارى كەز كەلگەن بولجامعا ساقتىقپەن قاراۋ كەرەك دەيدى.
«الدىڭعى بولجامدار بۇدان بىلاي جارامسىز, ويتكەنى الەمدەگى جاعداي قۇبىلمالى» دەلىنگەن COVID-ءتىڭ جاعدايىن باقىلاۋعا ارنالعان ۋنيۆەرسيتەتتىڭ ەسەبىندە.
Cوڭعى مالىمەتتەرىنە سايكەس, الەمدە 4,1 ميلليوننان استام ينفەكتسيا جۇقتىرعان, 282 مىڭنان استام ادام قايتىس بولعان.
