– ەلىمىزدە, الەمدە بولىپ جاتقان جاعدايدا, ازاماتتارىمىزدىڭ «زەينەتاقى جيناقتارىمىز ازايىپ كەتە مە؟» دەگەن سىندى ساۋالدارىنا ءجيى جاۋاپ بەرۋگە تۋرا كەلىپ وتىر. الاڭداۋعا نەگىز جوق. زەينەتاقى جيناقتارى تۇراقتى, ءارى وڭ ينۆەستيتسيالىق تابىستىلىققا يە.
2020 جىلدىڭ ءبىرىنشى توقسانىندا ينۆەستيتسيالىق تابىس 661,7 ملرد تەڭگە بولدى. 2020 جىلدىڭ 1 ساۋىرىنە زەينەتاقى اكتيۆتەرى 11,7 ترلن تەڭگەنى قۇراپ, 8%-عا ءوستى.
جالپى 2013 جىلداڭ باستاپ وسى كۇنگە دەيىن ۇلتتىق بانكقامتاماسىز ەتكەن ينۆەستيتسيالىق تابىس 30%-دان (نەمەسە 3,9 ترلن تەڭگەدەن) استى.
زەينەتاقى جيناقتارىنا ەسەپتەلەتىن تازا ينۆەستيتسيالىق تابىس تۇراقتى تۇردە وسۋدە.
2019 جىلدىڭ ساۋىرىنەن 2020 جىلدىڭ ناۋرىزىنا دەيىنگى سوڭعى 12 ايداعى زەينەتاقى اكتيۆتەرىنىڭ تابىستىلىعى 11,87% قۇرادى. ال ينفلياتسيا 6,4% بولدى. وسىلايشا تابىستىلىق ينفلياتسيادان 5,5%-عا اسىپ ءتۇستى, – دەدى باسقارما توراعاسى.
«بىرىڭعاي جيناقتاۋشى زەينەتاقى قورى» اق باسقارما توراعاسى جانات قۇرمانوۆتىڭ نەگىزگى ساۋالدارعا تومەندەگىدەي جاۋاپ بەردى:
– 2020 جىلدىڭ ناۋرىز جانە ءساۋىر ايلارىندا ينۆەستيتسيالىق تابىس نەلىكتەن كۇرت وزگەردى؟
– زەينەتاقى جيناقتارى ءتۇرلى ۆاليۋتالارداعى قارجى قۇرالدارىنا سالىنادى. ينۆەستيتسيانىڭ 2/3 بولىگى تەڭگەمەن جانە 1/3 بولىگى شەتەل ۆاليۋتاسىمەن ينۆەستيتسيالانادى.
وزدەرىڭىزگە بەلگىلى, ناۋرىز ايىندا اقش دوللارى 381-دەن 448 تەڭگەگە دەيىن قىمباتتادى. تيىسىنشە, ۆاليۋتا قۇرالدارىنا ورنالاستىرىلعان زەينەتاقى اكتيۆتەرىنىڭ قۇنى 541,9 ملرد تەڭگەگە ءوستى.
ال ءساۋىر ايىنىڭ ءبىرىنشى جارتىسىندا, اقش دوللارىن باعامى 448 تەڭگەدەن 425 تەڭگەگە دەيىن تومەندەدى. ۆاليۋتالىق قۇرالدارعا ورنالاستىرىلعان زەينەتاقى اكتيۆتەرى 179,7 ملرد تەڭگەگە تومەندەدى.
ەندى ءساۋىر ايىنىڭ ەكىنشى جارتىسىندا, ينۆەستيتسيالىق تابىس 63,4 ملرد تەڭگەگە قايتادان كوبەيدى.
جالپى زەينەتاقى اكتيۆتەرى ۇزاق مەرزىمگە ينۆەستيتسيالانادى. حالىقارالىق تاجىريبەدە ينۆەستيتسيالىق تابىستىلىق كەمىندە ءبىر جىل كەزەڭمەن باعالانادى.
سوندىقتان سالىمشىلارعا ناۋرىز جانە ءساۋىر ايلارىنداعى تابىستىلىقتىڭ بىردە كوبەيىپ, بىردە تومەندەگەن جاعدايىنا الاڭداۋعا قاجەت جوق.
– ۇلتتىق بانك ينۆەستيتسيالىق تابىستىلىق تۇراقتىلىعىن قالاي قامتاماسىز ەتەدى؟
– قازاقستاننىڭ ۇلتتىق بانكى بىرىڭعاي جيناقتاۋشىزەينەتاقى قورىنىڭ اكتيۆتەرىن سەنىمدى باسقارۋشى رەتىندە قازاقستانداجانە شەتەلدە ءتۇرلى ەكونوميكانىڭ سەكتورلارىنا, ءارتۇرلى ۆاليۋتاعا,ءتۇرلى قارجىقۇرالدارىنا ينۆەستيتسيا جاسايدى. بۇل جيناقتارىنىڭ ساقتالۋىن جانە تۇراقتى تابىستىلىعىن قامتاماسىز ەتەدى.
– سالىمشىلارعا ءوز جيناقتارىنىڭ ينفلياتسيادان قورعالۋىنا قاتىستى الاڭداۋلارى قاجەت پە؟
– الاڭداۋعا ەش نەگىز جوق. ويتكەنى, زاڭعا سايكەس مەملەكەت ازاماتتارعا ولاردىڭ زەينەتاقى جيناقتارىنىڭ ينفلياتسيادان قورعالۋىنا كەپىلدىك بەرەدى.
ءبىر سوزبەن ايتقاندا, سالىمشى زەينەتكە شىققان كەزدە, زەينەتاقى جيناقتارى ازايىپ قالسا, مەملەكەت ونى وتەپ بەرەدى. بىراق بۇل شارا جيناقتالعان ينفلياتسيا بارلىق جىلدارىندا الىنعان تابىستان اسىپ كەتكەن جاعدايدا عانا جۇزەگە اسىرىلادى.
