باس بايگەگە 30 مىڭ دوللار تىگىلگەن بايقاۋعا 88 قاتىسۋشىنىڭ ىشىنەن 31-ءىنىڭ جۇمىسى تاڭداپ الىنعان. ونىڭ ىشىندە ءبىزدىڭ جوعارىدا اتالعان جەرلەستەرىمىز دە بار. بايقاۋدىڭ كورمە-اۋكتسيونىنگونكونگتا مامىر ايىندا وتكىزۋ جوسپارلانىپ وتىر.
سۋرەتشىلەر اراسىنداعى اتالمىش بايقاۋ 2003 جىلى قۇرىلدى. بايقاۋ بارىسىندا الەمدىك دەڭگەيدەگى ونەر باعالاۋشىلار دۇنيە جۇزىندەگى ەڭ مىقتى سۋرەتشىلەردىڭ تۋىندىلارىمەن تانىسادى, ساتىپ الادى.
بايقاۋعا شەبەرلەردىڭ ارقايسىسى ءۇش جۇمىسىن ۇسىنا الادى. قازىلار ولاردىڭ ىشىنەن ەڭ مىقتىسىن تاڭداپ الادى. تاڭدالعان شىعارمالاردان ارنايى ءتىزىم جاسالىپ, گونكونگ گالەرەياسىنا قويىلادى. ول شىعارمالاردى سول ۋاقىتتا كورەرمەندەر باعالاپ جاتادى.
جالپى, بايقاۋدىڭ باس بايگەسىنە 30 مىڭ دوللار, «حالىقتىق باعالاۋ» اتالىمىندا ونلاين داۋىس بەرۋدىڭ ناتيجەسىندە ەڭ كوپ ۇپاي جيناعان قاتىسۋشىعا 10 مىڭ دوللار, سونداي-اق, قازىلاردىڭ كوڭىلىنەن شىققان ەڭ تالانتتى سۋرەتشىگە 5000 دوللار كولەمىندە سىياقى بەرىلەدى.
