ناۋقاستاردىڭ ءبىرى 73 جاستاعى تاراز قالاسىنىڭ تۇرعىنى. ول بۇعان دەيىن دەرت جۇقتىرعان ناۋقاسپەن بايلانىستا بولعاندىعى ءۇشىن ستاتسيونارلىق كارانتينگە جاتقىزىلعان. ال, ەكىنشى ناۋقاس مەركى اۋدانىنىڭ تۇرعىنى بولىپ شىقتى. 22 ءساۋىر كۇنى رەسەي فەدەراتسياسىنان ورالعان ول رەسەيدە تۋىستارىمەن بىرگە بولعان. ول 27 ءساۋىر كۇنى ەنتىگۋ, مۇرىننان سۋ اعۋ سەكىلدى شاعىممەن جەدەل جاردەم شاقىرعان. كوروناۆيرۋس ينفەكتسياسىنا كۇدىكپەن پروۆيزورلىق ستاتسيونارعا جاتقىزىلىپ, الىنعان قان تالداۋلارى وڭ ناتيجە كورسەتكەن. بۇگىندە ناۋقاستار ينفەكتسيالىق ستاتسيونارعا اۋىستىرىلعان. ولار بەكىتىلگەن الگوريتمگە سايكەس قاجەتتى ەم شارالارىن الۋدا.
جالپى العاندا, 28 ءساۋىر كۇنگى جاعداي بويىنشا جامبىل وبلىسىندا كوروناۆيرۋستىق ينفەكتسيانىڭ 108 جاعدايى تىركەلىپ وتىر. ونىڭ ىشىندە تاراز قالاسىندا 52, بايزاق اۋدانىندا 4, جامبىل اۋدانىندا 4, كورداي اۋدانىندا 34, مەركى اۋدانىندا 3, مويىنقۇم جانە شۋ اۋداندارىندا ءبىر-بىردەن انىقتالعان. ال, «دەلي-تاراز» رەيسىندە 6 جاعداي انىقتالسا, 3 جاعداي اتىراۋ وبلىسىنداعى تەڭىز ۆاحتالىق كەنتىنەن ورالعان جۇمىسشىلاردىڭ اراسىنان انىقاتالعان. قازىرگى كەزدە ىندەت جۇقتىرعانداردىڭ 43-ءى ەمدەلىپ, دارىگەرلەردىڭ باقىلاۋىنداعى ءۇي كارانتينىنە شىعارىلدى.
جامبىل وبلىسى
