28 ساۋىرگە دەيىن 42,5 مىڭ تەڭگە الەۋمەتتىك تولەمدى 275 مىڭنان استام ازامات الدى. الەۋمەتتىك تولەمدى الۋعا بارلىعى 594,7 مىڭنان استام ادام ءوتىنىم بەردى. 301 مىڭ ءوتىنىم كەرى قايتارىلدى. سونىمەن قاتار نۇر-سۇلتاندا ء«بىز بىرگەمىز» اكتسياسى اياسىندا كومەك كورسەتۋدىڭ ەكىنشى كەزەڭى باستالدى, ونىمەن 28 073 ادام قامتىلادى, دەپ مالىمدەدى سەيسەنبىدە ورتالىق كوممۋنيكاتسيالار قىزمەتىندە وتكەن بريفينگتە قالا اكىمىنىڭ ورىنباسارى باقتيار ماكەن.
«ەلباسىنىڭ باستاماسىمەن باستالعان ء«بىز بىرگەمىز» اكتسياسىنىڭ شەڭبەرىندە ەلوردادا 19 ناۋرىز بەن 23 ءساۋىر ارالىعىندا الەۋمەتتىك وسال توپقا جاتاتىن 14 478 وتباسىعا نۇر وتان پارتياسىنان 50 000 تەڭگەدەن الەۋمەتتىك كومەك كورسەتىلدى. پارتيا, بيزنەسمەندەر مەن قايىرىمدى ازاماتتاردىڭ كۇشىمەن 11 000 ازىق-ت ۇلىك جيىنتىعى تاپسىرىلدى. ناۋرىز ايىنىڭ سوڭىنان بۇگىنگە دەيىن 1,5 ميلليون انتيسەپتيكالىق ماسكا ۇلەستىرىلدى. جالپى, قالادا ءتۇرلى الەۋمەتىك جۇمىستارعا قالالىق شتابتان 500 ەرىكتى جۇمىلدىرىلدى», – دەپ اتاپ ءوتتى ب.ماكەن.
ايتا كەتەيىك, مەملەكەت باسشىسىنىڭ تاپسىرماسىنا سايكەس, تج كەزىندە كىرىسىنەن ايىرىلعان ازاماتتارعا الەۋمەتتىك كومەك كورسەتۋ جۇمىسى جالعاسۋدا. حابارلانعانداي, ۇلى وتان سوعىسىنداعى جەڭىستىڭ 75-جىلدىعىن مەرەكەلەۋ اياسىندا قالادا ۇوس ارداگەرلەرىنە 1 ملن. تەڭگەدەن تولەم بەرىلە باستادى. بۇگىنگى كۇنى ەلوردادا ۇلى وتان سوعىسىنىڭ 44 ارداگەرى بار. ءبىر رەتتىك اقشالاي تولەمدەردى تىل ەڭبەككەرلەرى, قايتىس بولعان ۇلى وتان سوعىسىنىڭ قاتىسۋشىلارى مەن مۇگەدەكتەرىنىڭ ايەلدەرى, سونداي-اق ۇلى وتان سوعىسىنىڭ ارداگەرلەرىمەن جەڭىلدىكتەر مەن كەپىلدىكتەر بويىنشا تەڭەستىرىلگەن بارلىق ادامدار الادى.
