ونەر اكادەمياسى ۇستازدارىنىڭ دارىگەرلەرگە ۆيرتۋالدى قولداۋ كورسەتۋىنە 13 جاستاعى رايدا ەسىمدى وقۋشىنىڭ دەنساۋلىق ساقتاۋ ءمينيسترى ەلجان بىرتانوۆقا جازعان حاتى سەبەپ بولىپتى. وقۋشى ءوزىنىڭ ءبىرىنشى مۇشەل جاسىنا تولعان تۋعان كۇنىندە جانىندا اناسىنىڭ بولماعانىنا قىنجىلعان ەدى. ويتكەنى, دارىگەر بولىپ جۇمىس ىستەيتىن اناسى كوروناۆيرۋسپەن اۋىرعانداردى ەمدەۋدە.
–وقۋشى قىز مينيستردەن ادامداردىڭ اۋىرماۋى ءۇشىن, اناسىنىڭ تەزىرەك ۇيىنە ورالۋى ءۇشىن بار مۇمكىندىكتى جاساۋدى ءوتىندى. بۇل بىزگە دە وي سالدى. اكادەميا قابىرعاسىنا مەديتسينالىق بەتپەردە مەن قولعاپ كيگەن دارىگەردىڭ سۋرەتىن سالدىق. وسىلايشا, كوروناۆيرۋسقا ءوز ءومىرىن تاۋەكەلگە تىگىپ, ناۋقاستاردى كۇنى-ءتۇنى ەمدەپ جاتقان قازاقستاندىق دارىگەرلەردى قولداعىمىز كەلدى. ءبىز ولاردىڭ لايىقتى ەڭبەگىنە قۇرمەتىمىزدى وسىلاي بىلدىردىك,- دەدى ن.تىلەنديەۆ اتىنداعى كىشى ونەر اكادەمياسى سۋرەت ءپانىنىڭ مۇعالىمى مەيىربەك باقتيار.
