وبلىس اكىمىنىڭ ايتۋىنشا, اۋىل شارۋاشىلىعى تەحنيكاسىنىڭ ۇزدىكسىز قوزعالىسىن قامتاماسىز ەتۋ, سونداي-اق تۇقىمدى, جانار-جاعارماي مەن قوسالقى بولشەكتەردى جەتكىزۋ ءۇشىن وبلىستا ارنايى «قوزعالىس الگوريتمى» ازىرلەنگەن.
بلوك-بەكەتتەردەگى كەپتەلىستى بولدىرماۋ ءۇشىن جاۋاپتى مەكەمەلەر شارۋالارعا ءوتىنىمدى تولتىرۋعا جانە ول ءتىزىمدى وكىلەتتى ورگاندارعا بەرۋگە كومەك كورسەتەدى.
سونداي-اق اۋىل شارۋاشىلىعى تەحنيكالارىن جوندەۋ مەن قىزمەت كورسەتۋدى, تۇقىمدىق ماتەريالدى, ججم, اۋىل شارۋاشىلىعى تەحنيكالارى ءۇشىن قوسالقى بولشەكتەردى, تىڭايتقىشتاردى, وسىمدىكتەردى حيميالىق قورعاۋ قۇرالدارىن, ۆەتەريناريالىق پرەپاراتتاردى جانە بيولوگيالىق ماتەريالدىڭ سىنامالارىن جەتكىزۋدى جۇزەگە اسىراتىن وتاندىق جانە شەتەلدىك كومپانيالاردىڭ كولىكتەرىنىڭ «جاسىل ءدالىز» ارقىلى ءجۇرۋى ۇيىمداستىرىلعان.
جەرگىلىكتى جەرلەردە كوكتەمگى ەگىس جۇمىستارىنا قىزمەتكەرلەردى ورتالىقتاندىرىلعان تۇردە بىرىڭعاي جەتكىزۋ ماسەلەلەرى شەشىلۋدە.
وبلىس اكىمى ەرمەك مارجىقپاەۆتىڭ ايتۋىنشا, اعىمداعى جىلى ايماقتا 4,9 ملن گەكتارعا جۋىق القاپقا جازدىق ەگىن ەگۋ جوسپارلانعان. ونىڭ 4 ملن 438 مىڭ گەكتارىنا بۇرشاقتى جانە ءداندى داقىلداردى سەبىلەدى. بۇل رەتتە 3 ملن 734 مىڭ گەكتار نەمەسە ەگىس القابىنىڭ بارلىق كولەمىنىڭ 77 پايىزىنا ءوڭىردىڭ نەگىزگى ازىق-ت ۇلىگى - جازدىق بيداي ەگىلەدى. جەرگىلىكتى اتقارۋشى ورگاندار بيداي الاڭى ايتارلىقتاي كەڭەيىپ, 2019 جىلعا قاراعاندا 150 مىڭ گەكتارعا ارتىق ەگىلەدى.
700 مىڭ گەكتاردان استام جەرگە - ارپا, س ۇلى, جاسىمىق جانە بۇرشاق ەگىلەدى. مايلى داقىلداردى 254 مىڭ گەكتارعا (2019 جىلعا قاراعاندا 600-گە ارتىق), ازىقتىق ءشوپتى 181 مىڭ گەكتارعا (3 مىڭعا جۋىق ارتىق) ورنالاستىرۋ جوسپارلانۋدا, كارتوپ جانە كوكونىس القابىن 2 مىڭ گەكتاردان 20 مىڭعا دەيىن كەڭەيتەدى.
وڭىردە كوكتەمگى ەگىس ناۋقانىنا دايىندىق بەلسەندى جۇرگىزىلۋدە, بۇگىندە تۇقىم, تىڭايتقىشتار مەن تەحنيكا تولىعىمەن دايىن.
جۇمىس ساپارى بارىسىندا مينيستر س.وماروۆ اقمولا وبلىسىنىڭ بىرقاتار فەرمەرلىك شارۋاشىلىقتارىن, اتاپ ايتقاندا اقكول اۋدانىندا – «ەڭبەك» جشس, بۋراباي اۋدانىندا – «ابدراحمانوۆ» جك جانە «جۋراۆلەۆكا-1» جشس ارالادى.
«ەڭبەك» جشس-دە بيداي, ارپا, جاسىمىق, قاراقۇمىق, بۇرشاق, جۇگەرى, زىعىر جانە ءتۇرلى ازىقتىق داقىلدار ەگەتىن 32 مىڭ گەكتارعا جۋىق القاپ, «قازاگرو» قارجىلىق قولداۋىمەن ساتىپ الىنعان «PETKUS» تۇقىمدى كەپتىرۋ قۋاتتى كەشەنى بار.
وسى جىلى سەرىكتەستىك 13 مىڭ گەكتارعا, ونىڭ ىشىندە 11,6 مىڭ گەكتارعا ءداندى جانە بۇرشاقتى داقىلدار, 100 گەكتارعا مايلى داقىلدار, 1 200 گەكتارعا ازىقتىق داقىلدارىن ەگۋدى جوسپارلاپ وتىر.
«جۋراۆلەۆكا-1» جشس ءداندى-بۇرشاقتى جانە مايلى داقىلداردى وسىرەدى. وتكەن جىلى مۇندا 34 مىڭ توننادان استام ءونىم الىندى.
شارۋاشىلىقتا 54 مىڭ گەكتار جەر بار, ونىڭ ىشىندە 40 مىڭ گەكتاردان استام ەگىستىك القابى. اعىمداعى جىلى سەرىكتەستىك 31 مىڭ گەكتاردان استام جەرگە, ونىڭ ىشىندە 7,7 مىڭ گا – بيداي, 12,8 مىڭ گا – ارپا, 5,8 مىڭ گا – راپس, 4,4 مىڭ گا – زىعىر ەگۋدى جوسپارلاپ وتىر.
بۇگىنگى تاڭدا كومپانيا ەگىس جۇمىستارىن جۇرگىزۋگە تولىق دايىن.
