«توتەنشە جاعدايعا قاراماستان ءدارى-دارمەك ەلدىڭ بارلىق وڭىرلەرىنە جەتكىزىلىپ جاتىر. جالپى 2020 جىلعا بىرىڭعاي ديستريبيۋتەر اياسىندا 1385 اتاۋلى ءدارى-دارمەك 259 ملرد تەڭگەگە شارت جاسالدى. ونىڭ ىشىندە مەديتسينالىق مەكەمەلەرگە 86 ملرد تەڭگەگە ءدارى-دارمەك تولىعىمەن جەتكىزىلدى», - دەدى ب.ءشارىپ.
سونداي-اق ول ناۋقاستارعا قولما-قول تەگىن 27 ملرد تەڭگەنىڭ ءدارى-دارمەگى بەرىلگەنىن اتاپ ءوتتى.
«مەديتسينالىق مەكەمەلەردە 27 ملرد تەڭگەنىڭ دارى–دارمەك قالدىقتارى بار. ستاتسيونارلىق دەڭگەيدە جىل باسىنان باستاپ 39 ملرد تەڭگەنىڭ ءدارى-دارمەگىن جەتكىزدىك. قازىر ول مەديتسينالىق مەكەمەلەردە كوروناۆيرۋستى ەمدەۋ ءۇشىن قولدانىلىپ جاتىر. ونىڭ ىشىندە انتيبيوتيكتەر مەن قىزۋدى تۇسىرەتىن پرەپاراتتار بار. ونى بارلىق مەديتسينالىق مەكەمەلەرگە جەتكىزىپ جاتىرمىز. دەسە دە دارىلەردى جەتكىزۋ بويىنشا قيىندىقتار تۋىنداپ جاتىر. مىسالى, ءۇندىستاننىڭ شەكاراسى جابىق. سوندىقتان كەيبىر ءدارى-دارمەكتىڭ جەتۋى كەشىكتىرىلۋدە. بۇل ماسەلەلەر شەشىلىپ جاتىر. بيىل قازان ايىنان باستاپ, جەلتوقسان ايىنا دەيىن ساتىپ الۋ راسىمدەرىن وتكىزدىك. سوندىقتان دا قويمالاردا ءدارى-دارمەكتەر بولدى», - دەدى ول.
