«تەستتەن وتكەن ادامداردىڭ بارلىعىندا تەرىس ناتيجە كورسەتتى. 19 ساۋىردە جەرگىلىكتى ۋاقىتپەن ساعات 20.00-دە جىلىوي اۋدانىنداعى تەڭىز ۆاحتالىق قالاشىعىنىڭ «بولاشاق» كەنتىندە 200 جۇمىسشى جينالدى. ولار «بايلانىستا بولعان تۇلعالار» ۇعىمى تۋرالى حاباردار بولماۋىنان باسقا ۆاحتالىق كەنتتەردەن كوشىرىلگەن جۇمىسشىلاردى كوروناۆيرۋس ينفەكتسياسىن جۇقتىرعاندار دەپ ەسەپتەپ, نارازىلىق ءبىلدىردى.
قىزمەتكەرلەر كومپانيا مەن جىلىوي اۋدانى اكىمدىگىنىڭ باسشىلىعىمەن كەزدەسۋدە «بىرلىك» ۆاحتالىق كەنتىندەگى كوروناۆيرۋس دياگنوزى راستالعان جۇمىسشىمەن بايلانىستا بولعان تۇلعالاردان اۋرۋ انىقتالعان جاعدايدا ولاردى ينفەكتسيالىق جانە پروۆيزورلىق ستاتسيونارلارعا وقشاۋلاندىرىلاتىنى تۋرالى كەلىسىمگە كەلدى. تەست قورىتىندىسىمەن تەرىس ناتيجە كورسەتكەن تۇلعالار 22 ساۋىردە وندىرىستىك قىزمەتكە شىعادى» -دەپ حابارلادى وڭىرلىك كوممۋنيكاتسيالار قىزمەتى.
ال, كەشە, 20 ساۋىردە تەڭىز ۆاحتالىق قالاشىعىنىڭ «سانا» ۆاحتالىق كەنتىندە تۇراتىن «كونسوليدەيتەد كونستراكشن ينجينيرينگ & پروكيۋرمەنت س.ا.ل.-وفشور» كومپانياسى جشس فيليالىنىڭ 500 قىزمەتكەرى جۇمىسقا شىقپادى. كومپانيا قىزمەتكەرلەرى مۇنى «بىرلىك» ۆاحتالىق كەنتىندە كوروناۆيرۋس دياگنوزىمەن 1 ادام انىقتالۋىمەن, وندىرىستىك قىزمەت بارىسىندا اۋرۋدى جۇقتىرۋ قاۋپى بار ەكەنىنىمەن تۇسىندىرگەن.
كومپانيا باسشىلىعى مەن جىلىوي اۋدانى اكىمدىگى تاراپىنان ءتيىستى ءتۇسىندىرۋ جۇمىستارى جۇرگىزىلگەن. ناتيجەسىندە تاراپتار بارلىق جۇمىسشىلاردى ەكسپرەسس-تەستتەن وتكىزۋگە, ەكى كۇننەن كەيىن ونىڭ ناتيجەلەرى جاريالانىپ, تەرىس قورىتىندى شىققان جاعدايدا سارسەنبىدە, 22 ساۋىردە جۇمىسشىلار كەرى جۇمىسقا شىعاتىنى تۋرالى كەلىسىمگە كەلگەن. وعان قوسا, كومپانيا ەكى جۇمىس كۇنىنىڭ جالاقىسى ساقتالاتىنىن حابارلادى.
ال, تەست قورىتىندىسى وڭ ناتيجە بەرگەن جاعدايدا اۋرۋدى جۇقتىرعان ادامدارعا ستاتسيونارعا جاتقىزۋ بويىنشا قوسىمشا شارالار قولدانىلاتىن بولادى. اتىراۋ وبلىسى اكىمىنىڭ تاپسىرماسىمەن وبلىس اكىمىنىڭ ءبىرىنشى ورىنباسارى سەرىك شاپكەنوۆتىڭ توراعالىعىمەن ارنايى جۇمىس توبى قۇرىلدى. ول تەڭىز كەن ورنىنا بارىپ, قىزمەتكەرلەردى تۇرعىلىقتى جەرىنە دەيىن جەتكىزۋ ماسەلەسىمەن اينالىسۋدا.
جۇماسات عازيز
