ۋەلستىڭ استاناسى – كارديفف قالاسىندا تۋعان 33 جاستاعى ايتۋلى سپورتشىنىڭ وليمپيا ويىندارىنىڭ ەكى دۇركىن جانە الەمنىڭ ءۇش دۇركىن چەمپيونى دەگەن اتاقتارى بار. سونىمەن قاتار, توماس 2018 جىلى «تۋر دە فرانس» كوپكۇندىگىندە باس جۇلدەنى ولجالادى. وسى تابىستارىنىڭ ارقاسىندا ول بريتانيا يمپەرياسىنىڭ وردەنىمەن ماراپاتتالىپ, 2018 جىلى ۇلىبريتانيانىڭ جانە 2014 پەن 2018 جىلدارى ۋەلستىڭ ەڭ ۇزدىك سپورتشىسى دەگەن مارتەبەلى اتاققا يە بولدى.
وسى ساڭلاق سپورتشى كۇن سايىن ۇيىندەگى ۆەلوترەناجەردا12 ساعاتتىق جاتتىعۋلار جاساپ, عالامتور ارقىلى سونى كۇللى الەمگە تاراتتى. گەراينت توماستىڭ ونەرىنە تامسانعان كورەرمەندەر ونىڭ ەسەپشوتىنا اقشا اۋدارىپ وتىردى. قازىردىڭ وزىندە جينالعان قاراجات 300 مىڭ فۋنتتى قۇراپ وتىر. سول قارجىنى ايگىلى ۆەلوشاباندوز ۇلىبريتانياداعى ۇلتتىق دەنساۋلىق ساقتاۋ قىزمەتىنە تابىستادى.
