كۇيشى ء«بىز بىرگەمىز» اتتى جاڭا تۋىندىسىندا وسىنداي سىن-ساعاتتان تەك ۇلت بولىپ بىرىككەندە, بارلىق كارانتين تالاپتارىن ءبىر قولدىڭ ساۋساعىنداي جۇمىلا ورىنداعاندا, ءبىر-بىرىمىزگە دەمەۋ بولعاندا عانا امان-ەسەن وتە الاتىنىمىزدى ايتقىسى كەلەدى.
– توتەنشە جاعداي جاريالاۋ وڭاي ەمەس, وعان قوسا قازىر كەيبىر ادامدار كارانتين تالاپتارىن ساقتاماي, ۇيدە وتىرا الماي, بالالارىمەن ۇيگە سىيماي ءجۇر. بىراق وپتيميست ادام نەگاتيۆتەن دە پوزيتيۆ كورە الادى. سوندىقتان وسى كۇيىمدەگى ادەمى يىرىمدەر ارقىلى ءار نارسەنىڭ قايىرى بارىن, كەز كەلگەن قيىندىقتان ساباق الۋعا بولاتىنىن جانە ادام قالاسا, ارقاشان ۋاقىتتى پايدالى وتكىزۋگە يدەيا تابا الاتىنىن جەتكىزگىم كەلدى, – دەيدى كومپوزيتور-دومبىراشى. ونىڭ ايتۋىنشا, ەلىمىزدىڭ ءار وڭىرىندەگى مۋزىكا مۇعالىمدەرى شاكىرتتەرىنە جاڭا تۋىندىنى ۇيرەتۋ ءۇشىن كۇيدىڭ نوتاسىن, اۆتوردىڭ تارتقان ۇلگىسىن جولداۋدى ءوتىنىپتى.
