ايماقتار • 29 ناۋرىز، 2020

الماتىلىقتار ءۇشىن شىعارماشىلىق ۇيىرمەلەر ونلاين جۇمىسىن باستادى

15 رەتكورسەتىلدى

الماتى قالاسىنىڭ مادەنيەت باسقارماسى تۇرعىنداردىڭ مادەني ءومىرىن قولداۋ ماقساتىمەن ونلاين رەجيمدە بىرقاتار ءىس-شارالار ۇيىمداستىرۋدا. كورەرەمەن ءۇشىن تەگىن ونلاين-شىعارماشىلىق ۇيىرمەلەر، كۋرستار، پودكاستتار مەن ترەنينگتەر باستالدى.

جامبىل اتىنداعى جاسوسپىرىمدەردىڭ قالالىق كىتاپحاناسى بازاسىندا 16 ناۋرىزدان باستاپ كىتاپ وقۋ مەن شولۋ، ترەنينگتەر جانە شىعارماشىلىق ۇيىرمەلەر تۋرالى كۇندەلىكتى حابار تاراتىلۋدا.

س.بەگالين اتىنداعى مەملەكەتتىك بالالار كىتاپحاناسى بازاسىندا وقۋشىلارعا ارنالعان «شاحمات اكادەمياسى» مەن «فيزيكا جانە ماتەماتيكا» ونلاين ۇيىرمەلەرىنىڭ كورسەتىلىمى جۇرۋدە.

28 ناۋرىزدان باستاپ Almaty Creative شىعارماشىلىق ۇيىرمەسىنىڭ YouTube ارناسىندا تىكەلەي ەفيرلەرى باستالدى. ءتۇرلى تەحنيكامەن سۋرەت سالۋ بويىنشا بالالار مەن ەرەسەكتەرگە ارنالعان شەبەرلىك ساباقتارىن كاسىبي كوركەم ءبىلىمى مەن 10 جىلدان استام پەداگوگيكالىق تاجىريبەسى بار Masterclass.almaty شىعارماشىلىق ستۋدياسىنىڭ وقىتۋشىلارى جۇرگىزەدى.

30 ناۋرىزدان باستاپ وسى Almaty Creative ۇيىرمەسىنىڭ YouTube ارناسىندا مەكتەپ وقۋشىلارىنا ارنالعان.

شىعارماشىلىقتى دامىتۋ مەكتەبىنىڭ وقىتۋشىلارى جۇرگىزەتىن «جەكە تۇلعانى مادەني مۇرا ارقىلى دامىتۋ» ونلاين-كۋرسى باستالادى. كۋرس قازاق جانە ورىس تىلدەرىندەگى 10 ونلاين-ترەنينگتەن تۇرادى. ساباقتارعا دارىستەردەن باسقا پراكتيكالىق جاتتىعۋلار دا كىرەدى. كۋرس باستاۋىش سىنىپ وقۋشىلارىنا ارنالعان جانە شىعارماشىلىق پەن زاماناۋي وقىتۋدىڭ كرەاتيۆتى تەحنولوگياسىن بىرىكتىرەدى.

سونىمەن قاتار، 30 ناۋرىزدان باستاپ زاماناۋي ونەر تۋرالى ءبىلىم الاڭى ونلاين فورماتتا باستالادى. ءۇش اپتا بويى اتالعان مەكتەپ قاتىسۋشىلارىنا قازاقستان جانە الەمدىك زاماناۋي ونەر تاريحى، جاڭا تەحنولوگيالار، فيلوسوفيا جانە ونەر مەنەدجمەنتى تۋرالى دارىستەر قولجەتىمدى بولادى.

«الماتى قالاسىنىڭ اكىمى ب.ساعىنتاەۆتىڭ تاپسىرماسىمەن ءبىز بالالارىمىز بەن جاسوسپىرىمدەردىڭ مادەني-گۋمانيتارلىق دامۋى بويىنشا ونلاين جوبالاردى، سونداي-اق ەرەسەكتەرگە ارنالعان پايدالى كۋرستاردى جۇزەگە اسىرىپ جاتىرمىز. الداعى ۋاقىتتا ءبىز ۆوكال، بالەت، اكتەرلىك شەبەرلىككە ارنالعان ونلاين-مەكتەپتەر اشۋدى جوسپارلاپ وتىرمىز»، –دەدى الماتى قالاسى مادەنيەت باسقارماسىنىڭ باسشىسى ەرنار قۇرماشەۆ.

ايتا كەتەيىك، جوعارىدا كورسەتىلگەن ونلاين-شارالاردىڭ ءبارى تەگىن جانە Almaty Creative ۇيىرمەسىنىڭ YouTube ارناسىندا، almatycreative.kz. سايتىندا قولجەتىمدى. انونستار مەن ساباق كەستەلەرى @almaty.creative جانە @almatymadeniet. اككاۋنتتارىنا ورنالاستىرىلادى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار