ۆەدومستۆو باسشىسى قاشىقتان وقىتۋ جۇيەسىندە باسقا دامىعان ەلدەردە دە ورىن الىپ جاتقان كەيبىر قيىندىقتاردىڭ كەزدەسەتىنىن جەتكىزدى. ياعني مۇعالىمدەر مەن وقۋشىلار تەحنيكانىڭ تاپشىلىعىنان, كەيبىر وتباسىندا مۇلدەم جوقتىعىنان نەمەسە ينتەرنەت بايلانىسىنىڭ بولماۋىنان قيىندىق كورۋى مۇمكىن. ال وسىنداي كەدەرگىلەردى ا.ايماعامبەتوۆ اكىمدىكتەرمەن بىرگە شەشەتىنىن ايتتى.
– پرەزيدەنت قاشىقتان وقىتۋدى ۇيىمداستىرۋ ءۇشىن بارلىق قاجەتتى شارالاردى قابىلداۋعا تاپسىرما بەردى. بۇل ماسەلەلەر قازىر ەرەكشە باقىلاۋدا. اكىمدىكتەرمەن بىرلەسە وتىرىپ, مەكتەپتەگى كومپيۋتەرلەردى وقۋشىلار مەن مۇعالىمدەرگە ۋاقىتشا پايدالانۋعا بەرۋ, ءتىپتى, قاجەت بولعان جاعدايدا, مەكتەپتەرگە قوسىمشا تەحنيكا (پلانشەتتەر نەمەسە كومپيۋتەرلەر) ساتىپ الىپ, ولاردى دا ۋاقىتشا پايدالانۋعا بەرۋ ماسەلەلەرىن قاراستىرۋدامىز. كەيبىر وڭىرلەر بۇل جۇمىستى باستاپ كەتتى.
ەپيدەميولوگيالىق احۋالعا قاراي, شالعايداعى اۋىلدىق ەلدى مەكەندەردە ورنالاسقان شاعىن جيناقتى مەكتەپتەردە (80-گە جۋىق بالا وقيتىن) وقىتۋدى ءداستۇرلى فورماتتا جالعاستىرۋ مۇمكىندىگىن قاراستىرۋدامىز, تاعى ءبىر مارتە اتاپ ايتامىن – تەك قاراستىرۋدامىز. بۇل ماسەلە بويىنشا تۇپكىلىكتى شەشىم ءالى قابىلدانعان جوق, بۇل ماسەلە كانيكۋل اياقتالعانشا شەشىلەدى. ال ازىرشە ولار دا قاشىقتان وقىتۋعا بەلسەندى دايىندالۋدا, – دەدى مينيستر.
