ايماقتار • 28 ناۋرىز، 2020

iKOMEK ورتالىعىنا كۇن سايىن 29 مىڭعا جۋىق ءوتىنىش تۇسەدى

22 رەتكورسەتىلدى

نۇر-سۇلتان قالاسىنىڭ كوممۋنالدىق قىزمەتتەرى كۇشەيتىلگەن جۇمىس تارتىبىنە كوشتى دەپ حابارلايدى ەلوردا اكىمدىگىنىڭ رەسمي سايتى.

كۇن سايىن iKOMEK ورتالىعىنا 7 مىڭنان 29 مىڭعا جۋىق ءوتىنىش تۇسەدى. بۇعان قوسا،  اكىمدىكتىڭ كوممۋنالدىق كاسىپورىندارى مەن باسقارمالارىنا تاعى 6 مىڭعا جۋىق ماسەلەمەن تۇرعىندار جۇگىنگەن. iKOMEK ورتالىعىنا 1800-دەن استام قىزمەت تۇرلەرى شوعىرلاندىرىلعان. بارلىق وتىنىشتەر تۇگەلدەي قارالىپ، تىركەۋ نومىرىمەن تۇرعىنداردىڭ وتىنىشتەر تىزىمىنە ەنگىزىلەدى. بۇدان سوڭ مەملەكەتتىك جانە كوممۋنالدىق قىزمەتتەرگە جولدانادى.

«iKOMEK ورتالىعى ەلوردانىڭ تىرشىلىك ارەكەتىنە قاتىستى ماسەلەلەر بويىنشا ءوتىنىش قابىلداۋدى جالعاستىرۋدا. بۇل باعىتتاعى جۇمىستار ادەتتەگىدەي ىسكە اسىرىلىپ جاتىر. الايدا، قازىر بولىپ جاتقان جاعدايلارعا بايلانىستى بارشا قالا تۇرعىندارى مەن قوناقتارىن ءوتىنىش بەرۋدە تسيفرلىق تاسىلدەردىڭ مول مۇمكىندىكتەرىن قولدانۋعا شاقىرامىز»،- دەدى iKOMEK قالالىق ورتالىعىنىڭ جەتەكشىسى جاننات دۋبيروۆا.

مەيلىنشە ىڭعايلى بولۋ ءۇشىن وتىنىشتەردى Facebook، Instagram، Telegram-بوت الەۋمەتتىك جەلىلەرى نەمەسە نۇر-سۇلتان قالاسى اكىمدىگىنىڭ سايتى ارقىلى جىبەرۋ مۇمكىندىگى جولعا قويىلعان. iKOMEK109 بىرىڭعاي بايلانىس-ورتالىعى 2018 جىلى ىسكە قوسىلدى. وسى ۋاقىت ارالىعىندا استانالىق تۇرعىنداردان 3 ملن 300 مىڭنان استام ءوتىنىش كەلىپ تۇسكەن. ەلوردا اكىمدىگىنىڭ بىرىڭعاي بايلانىس-ورتالىعىنا تۇرعىندار قالا تىرشىلىگىنە قاتىستى ماسەلەلەر بويىنشا حابارلاسادى. اكىمدىككە قاراستى بارلىق 752 ۇيىم بىرىڭعاي بايلانىس ورتالىعىنا بىرىكتىرىلگەن.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار