وسى الەۋمەتتىك جاردەماقىنى جالاقىسى ساقتالمايتىن ەڭبەك دەمالىسىندا جۇرگەن, سونداي-اق, شاعىن جانە ورتا كاسىپكەرلىك سۋبەكتىلەرىنىڭ قىزمەتكەرلەرى, جەكە كاسىپكەرلەر, جەكە پراكتيكامەن اينالىساتىن ادامدار (نوتاريۋس, جەكە سوت ورىنداۋشىسى, ادۆوكات, كاسىبي مەدياتور) جانە سونىمەن قاتار بىرىڭعاي جيىنتىق تولەمدى تولەۋشىلەر الۋعا قۇقىلى.
ءبىر ەرەكشەلىگى, الەۋمەتتىك جاردەماقىنى الۋ ءۇشىن قىزمەتكەر شتاتتا جۇمىس ىستەۋى جانە الەۋمەتتىك ساقتاندىرۋ قورىنا سوڭعى جىلدىڭ كەمىندە ءۇش ايىنا قاراجات اۋدارۋى كەرەك.
الەۋمەتتىك تولەمدەردى ەسەپتەۋ جونىندەگى قالعان بارلىق ماسەلەلەردى, ونىڭ ىشىندە ماۋسىمدىق جۇمىستار توقتاتىلعان جاعدايدا, الماتى قالاسىنىڭ بارلىق 8 اۋدانى بويىنشا جۇمىسپەن قامتۋ جونىندەگى ارنايى شتابتار جەكە تارتىپپەن شەشەتىن بولادى.
اينۇر مۇقاجانوۆا اتاپ وتكەندەي, تج رەجيمىنە بايلانىستى الماتى قالاسىنان تىس قالعان, بىراق قالادا جۇمىس ىستەگەن ادامداردان كوپتەگەن سۇراقتار كەلىپ تۇسۋدە. الدىڭعى جىلدىڭ سوڭعى ءۇش ايىنا الەۋمەتتىك ساقتاندىرۋ قورىنا قاراجات اۋدارىلسا, ولاردىڭ تىركەلگەن جانە تۇرعىلىقتى جەرىنە قاراماستان الەۋمەتتىك جاردەماقى الۋعا قۇقىلى. ەڭ باستىسى – جۇمىس بەرۋشى ولاردى تىزىمگە قوسۋى كەرەك.
اۋداندىق جانە قالالىق جۇمىسپەن قامتۋ شتابتارىنا جۇمىس بەرۋشى ءوتىنىم بەرەدى. ول جالاقىسى ساقتالمايتىن دەمالىستا جۇرگەن قىزمەتكەرلەردىڭ ءتىزىمىن جاسايدى جانە «ەلەكتروندىق ۇكىمەت» ۆەب-پورتالىندا «ەلەكتروندىق ءوتىنىش» سەرۆيسى ارقىلى جۇمىسپەن قامتۋ ماسەلەلەرى جونىندەگى جەرگىلىكتى ورگانعا ءوتىنىش بەرەدى. ول وتىنىشكە تج ارەكەت ەتۋ كەزەڭىندە قىزمەتتىڭ شەكتەۋلەرىنە بايلانىستى تابىستىڭ جوعالۋ فاكتىسىن راستايتىن قۇجاتتاردى, قىزمەتكەرلەردىڭ ءتىزىمىن, سونداي-اق جالاقىسى ساقتالمايتىن دەمالىس بەرۋ تۋرالى بۇيرىقتىڭ ءۇزىندى كوشىرمەسىن قوسا بەرەدى. جەكە كاسىپكەرلەر, جەكە پراكتيكامەن اينالىساتىن تۇلعالار جانە بىرىڭعاي جيىنتىق تولەمدى تولەۋشىلەر قىزمەتكەرلەر تىزىمىندە وزدەرىن كورسەتەدى.
بۇگىنگى تاڭدا, اينۇر مۇقاجانوۆانىڭ ايتۋىنشا, الماتى قالاسىنىڭ 37 كاسىپورنى ولاردىڭ جۇمىسشىلارىنا الەۋمەتتىك جاردەماقى الۋعا ءوتىنىش بەرگەن. سوڭعى ەكى كۇندە بۇل ماسەلە بويىنشا 400-گە جۋىق ادام جۇگىندى. ءوتىنىشتى قاراۋدىڭ ەڭ ۇزاق مەرزىمى-8-9 كۇن. ءار قىزمەتكەر الەۋمەتتىك تولەمدەردى ەسەپتەۋ تۋرالى اقپاراتتى ۇيالى تەلەفونىنداعى SMS ارقىلى الادى.
«جۇمىسسىز قالعان بارلىق ازاماتتار «ەلەكتروندىق ۇكىمەت» پورتالى ارقىلى ونلاين تىركەلىپ, ءتيىستى ءوتىنىش بەرە الادى جانە جۇمىسسىزدىق بويىنشا جاردەماقى الا الادى», - دەپ اتاپ ءوتتى دانيار الكەباي ۇلى.
