1. تاپسىرمالاردى جازىڭىز (to do list)
ەڭ الدىمەن اتقارىلماعان جۇمىستار جونىندەگى بارلىق ويلاردى جازىپ, ميىڭىزدى بوساتىڭىز. ءسىز ءوز ءتىزىمىڭىزدى ءارتۇرلى جولمەن باسقارا الاسىز – Bullet journal, GTD سياقتى ءتۇرلى جۇيەلەردى پايدالانا وتىرىپ, بلوكنوتقا جازۋ نەمەسە تەلەفون مەن كومپيۋتەردەگى قولدانبالاردى پايدالانۋ. بۇل شىن مانىندە ماڭىزدىسى – ءسىزدىڭ زەرتتەۋ ەكەنىن ميىڭىزدىڭ تۇسىنۋىنە, قابىلداۋىنا كومەكتەسەدى.
2. ءوز ماقساتتارىڭىزدى ايقىنداڭىز
ماقساتتى سانالى تۇردە قويىڭىز. ءبىر كۇندە بىرنەشە مىندەتتەرگە عانا ۋاقىت پەن ەنەرگيانى جۇمساڭىڭىز. ويتكەنى تىم كوپ تاپسىرمالار جۇمىسىڭىزدى ەڭسەرىلمەيتىندەي اۋىر ەتىپ كورسەتۋى مۇمكىن.
3. الاڭداتاتىن فاكتورلاردان قۇتىلىڭىز
ەگەر ويىڭىز باسقا نارسەگە ءبولىنىپ كەتسە, ونى نەگىزگى جۇمىسىڭىزعا قايتادان شوعىرلاندىرۋ ءۇشىن تاعى 20 مينۋتىڭىزدى جوعالتاسىز. تەلەفوندى دىبىسسىز رەجىمگە قويىڭىز, ەلەكتروندى پوشتادان, الەۋمەتتىك جەلىلەردەن كەلەتىن ەسكەرتۋلەردى, قاجەت بولعان جاعدايدا ينتەرنەتتى ءوشىرىڭىز.
4. ەلەكتروندى پوشتانى ءتيىمدى باسقارىڭىز
The McKinsey Global Institute قاراپايىم قىزمەتكەردىڭ ەلەكتروندى حاتتاردى وقىپ, جاۋاپ بەرۋگە اپتاسىنا 13 ساعات جۇمسايتىنىن انىقتادى. ەلەكتروندى پوشتانى رەتكە كەلتىرىڭىز: كۇنىنە ءبىر رەت ەلەكتروندى پوشتانى رەتتەڭىز; ارىپتەردى سانات بويىنشا ءبولىڭىز; جاۋاپ جازۋدى قاجەت ەتپەيتىن حاتتارعا كوڭىل بولمەڭىز; 1 مينۋتتىق جاۋاپ ەرەجەسىن قولدانىڭىز; كەرەكسىز حاتتاردان باس تارتىڭىز; قاجەت حاتتاردى عانا وقىڭىز; جاۋاپتار ءۇشىن شابلوندار جاساڭىز.
5. ەڭ قيىن تاپسىرمانى ءبىرىنشى ورىنداڭىز
ەڭ اۋىر جانە قورقىنىشتى تاپسىرمانى ءبىرىنشى كەزەكتە ورىنداۋ كۇننىڭ قالعان بولىگىن جاعىمدى جانە قاراپايىم تاپسىرمالاردى ورىنداۋعا مۇمكىندىك بەرەدى. بۇل تاجىريبە كوپتەگەن ادامداردا تاڭەرتەڭ كوپ ەنەرگيا مەن شىعارماشىلىق شابىت بولادى دەگەن يدەياعا نەگىزدەلگەن.
6. ماقساتسىز كەزدەسۋلەردەن باس تارتىڭىز
جينالىستى ۇيىمداستىرۋعا نەمەسە قاتىسۋعا شەشىم قابىلداۋعا بولاتىن بىرنەشە كريتەريلەردى تومەننەن تابا الاسىز:
-جينالىس ءۇشىن ناقتى ماقساتتار بار ما؟
-جينالىستىڭ ناقتى كۇن ءتارتىبى بەلگىلەنگەن بە؟
-كەزدەسۋدىڭ ۇزاقتىعى اقىلعا قونىمدى ما؟
-ماسەلەنى, ماسەلەن, ەلەكتروندى پوشتا, Slack, Trello نەمەسە Asana كومەگىمەن جينالماي-اق شەشۋگە بولا ما؟
ەگەر ءبارىن كەزدەسۋسىز, جينالىسسىز شەشۋگە بولاتىن بولسا, قينالماي باس تارتىڭىز.
7. اۆتوماتتاندىرىڭىز
ءسىز Mendeley نەمەسە Zotero ارقىلى قاجەتتى سىلتەمەلەردىڭ ءتىزىمىن وڭاي جاساپ, فورماتتاي الاسىز; سىزگە جاسالعان جاڭا سىلتەمەلەر مەن ءسىزدىڭ ەڭبەگىڭىزدەگى وزگەلەر قولدانعان جاڭا دايەكسوز تۋرالى ەسكەرتۋلەردى ورناتىڭىز, ال وزىق پايدالانۋشىلار ءتىپتى عىلىمي ماقالالاردى تالداۋ مەن پىشىمدەۋدى اۆتوماتتاندىرۋ ءۇشىن سكريپتتەردى دە جازا الادى. جاڭا باعدارلامالىق جاساقتامانى زەرتتەۋ ءۇشىن ۋاقىت ءبولۋ ارتىق جۇمىس سەكىلدى كورىنۋى مۇمكىن, بىراق بۇل ۇزاق مەرزىمدى پەرسپەكتيۆادا ءسىزدىڭ ۋاقىتتى ۇنەمدەۋگە سەپتىگىن تيگىزەدى.
8. ۇزىلىستەر جاساڭىز
تاپسىرمالار اراسىنداعى قىسقا ۋاقىتتىق ۇزىلىستەر ميدىڭ دەمالىپ, كۇنى بويى سەرگەك جۇرۋىڭىزگە, كۇشىڭىزدى قالپىنا كەلتىرۋگە كومەكتەسەدى. جاياۋ سەرۋەندەڭىز (ارينە كارانتين بىتكەندە) نەمەسە جاتتىعۋ جاساڭىز.
9. ءوزىڭىزدى ماداقتاڭىز
ءوزىڭىزدى كوپ ءىس تىندىرۋعا يتەرمەلەۋدىڭ تاماشا جولى – كۇنى بويى وزىنە ماراپاتتار تاعايىنداۋ. بۇل كەز كەلگەن نارسە بولۋى مۇمكىن: ايتالىق, رەتتەلگەن ەلەكتروندى پوشتا ءۇشىن ءبىر شىنىاياق كوفە, تولتىرىلعان گرانتتىق ءوتىنىم ءۇشىن جانىڭىزدى تىنىشتاندىراتىن ۆاننا جانە ت. ب.
قوسا كەتەيىك, جاس عالىمدار اليانسىمەن وسى ۇيىمنىڭ ءتورايىمى بەرگەن سۇحباتتان تولىعىراق تانىسا الاسىزدار.
