قوعام • 27 ناۋرىز، 2020

وزەندەر ارناسىنان اسۋى مۇمكىن بە؟

18 رەتكورسەتىلدى

قىستا قالىڭ قارىمەن، ات قۇلاعى كورىنبەيتىن بورانىمەن، كوكتەمدە ەلدى ابىگەرگە سالاتىن تاسقىنىمەن ەرەكشەلەنەتىن شىعىستا «ۇيرەنگەن جاۋمەن» كۇرەسكە دايىندىق قالاي؟

جاسى­راتىنى جوق، بيىل ايماقتا قار جىل­داعىدان قالىڭ ءتۇستى. «قازگيدرومەتتىڭ» حابارلاۋىنشا، وبلىستىڭ تاۋ وزەندەرىندەگى سۋ مولشەرى ورتاشا كورسەتكىشتەن 30 پايىزعا ارتىق. وڭىردەگى توتەنشە جاعداي سالاسى ماماندارىنىڭ سوزىنە سەنسەك، وبلىس اۋماعىنداعى ەرتىس، بۇقتىرما، ءۇبى، ءۇلبى، گروموتۋحا، نارىن، تۇرعىسىن، حامير، اق بەرەل، ۇلكەن بوكەن، كۇرشىم، قالجىر، ءۇرجار، ەگىنسۋ سەكىلدى وزەندەر ارناسىنان اسۋى مۇمكىن. اگاراكي بۇل وزەندەر تاسيتىن بولسا، ايماقتاعى ءۇش قالا، 15 اۋدانداعى 108 ەلدى مەكەنگە قاۋىپ ءتوندىرۋى مۇمكىن. بۇل دەگەنىڭىز – 22 مىڭ ادام تۇراتىن جەتى مىڭ تۇرعىن ءۇي. «وسىعان بايلانىستى وبلىستىق توتەنشە جاعدايلار دەپارتامەنتى جەرگىلىكتى اتقارۋشى ورگاندارمەن بىرلەسىپ، اپاتتىڭ الدىن الۋعا باعىتتالعان كەشەندى ءىس-شارالاردى قولعا الدى. قۇتقارۋشىلار مەن كوم­مۋ­نالدىق قىزمەتتەر كۇشەيتىلگەن جۇمىس تارتىبىنە كوشتى. ىشكى ىستەر مينيسترلىگىنە قاراستى ورگانداردىڭ 1 040 قىزمەتكەرى، 277 دانا تەحنيكاسى، 184 موتوپومپا مەن 50 سۋدا ءجۇزۋ قۇرالى توتەنشە جاعدايعا ساقاداي ساي. وسكەمەن مەن سەمەيدە قۇرامىندا 130 ادامى بار التى ءموبيلدى توپ قۇرىلىپ، ءتيىستى جۇمىستار جۇرگىزۋدە. ءبىز بيىلعى سۋ تاسقىنى مەزگىلىن شارتتى ءۇش كەزەڭگە بولدىك. وبلىس اۋماعىندا قار ەرۋ مەرزىمى ناۋرىزدا باستالىپ، ماۋسىمنىڭ ورتاسىنا دەيىن سوزىلادى دەپ بولجانۋدا. راس، قار مولشەرى جىلداعىدان ءسال ارتىق. الايدا الاڭداۋدىڭ ەش نەگىزى جوق. جاعداي ءجىتى باقىلاۋدا. بارلىق ورگان ءوز مىندەتىن ويداعىداي ورىندايتىن بولسا، قىزىل سۋ شىعىنعا باتىرمايدى»، دەدى وبلىستىق توتەنشە جاعدايلار دەپارتامەنتى باستىعىنىڭ ورىنباسارى دميتري تيتوۆ.

ال وبلىستىق جۇمىلدىرۋ دا­يىن­دىعى باسقارماسىنىڭ باس­شىسى ەلدوس چيكەنوۆ 2018 جى­لى ورىن العان وقىس جاعداي قايتالانباۋى ءۇشىن شۇلبى­دە قارعىن سۋ جينالاتىن رەزەر­ۆۋار-
لاردىڭ كولەمى ايتار­لىق­تاي ۇلكەيتىلگەنىن، قا­جەت جاعدايدا بۇل رەزەرۆۋارلار 20 كۇن بويى سۋ قابىلداي الاتىنىن ايتتى.

 

شىعىس قازاقستان وبلىسى

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ولار ءۇي بەتىن كورمەي كۇرەسۋدە

ايماقتار • بۇگىن، 14:42

كارانتين كارتيناسى (تريپتيح)  

ايماقتار • بۇگىن، 13:15

ۇقساس جاڭالىقتار