سۇحبات • 26 ناۋرىز، 2020

جاۋىنگەرلىك دايىندىق ەشقانداي جاعدايدا دا زارداپ شەكپەۋى ءتيىس

15 رەتكورسەتىلدى

قازىرگى تاڭدا نۇر-سۇلتان مەن الماتى قالالارىندا كوروناۆيرۋستىق ينفەكتسيانىڭ تارالۋىنىڭ الدىن الۋعا قاتىستى ءىس-شارالارعا اسكەري ءبولىم قىزمەتكەرلەرى جاپپاي تارتىلۋدا. وسى ورايدا قك باس اسكەري-مەديتسينالىق باسقارماسىنىڭ باستىعى مەديتسينا قىزمەتىنىڭ پولكوۆنيگى تيمۋر وشاقباەۆتان قابىلدانعان شارالار مەن ءىس-ارەكەتتەر تۋرالى سۇراعان بولاتىنبىز.

ول اسكەري قىزمەتشىلەردىڭ قاۋىپسىزدىگى جانە داعدارىس كەزىندەگى جاۋىنگەرلىك قابىلەت تۋرالى ايتىپ بەردى.  

-        ەڭ الدىمەن، بۇل اعارتۋ جۇمىسى ەكەنىن ايتا كەتۋ كەرەك. بارلىق اسكەري قىزمەتشى كوروناۆيرۋستىڭ قانداي قاۋىپتى جانە ونى جۇقتىرۋدىڭ الدىن الۋ جولدارى قالاي ەكەنىن بىلەدى. سانيتارلىق باقىلاۋ جانە وڭدەۋ شارالارى ارتتىرىلادى. قىزمەتتىك بولمەلەر مەن كازارمالاردى كۇندەلىكتى دەزينفەكتسيالاۋ قالىپتى جاعدايعا اينالدى. بۇگىنگى كۇنى اسكەري بولىمدەردە جەكە تازالىق ءۇشىن دەزينفەكتسيالىق قۇرالدار ءبəرى ءۇشىن قول جەتىمدى بولىپ وتىر. سونداي-اق ءاربىر اسكەري قىزمەتشىنىڭ دەنساۋلىق جاعدايىنا ۇلكەن كوڭىل بولىنەدى. ءبىزدىڭ بارلىق مەديتسينا قىزمەتكەرلەرى جەكە قۇرامنىڭ كوڭىل-كۇيىنە ۇزدىكسىز باقىلاۋ جۇرگىزەدى.

قاشىقتىقتان جۇمىس ىستەۋگە كوشۋ جوسپاردا بار ما؟

-        جوق. اسكەري قىزمەتشىلەر قاشىقتىقتان جۇمىس ىستەۋگە وتە المايدى. ولار كارانتين تۋرالى ايتپاعاندا، ءتىپتى اسكەري ءىس-قيمىلدار جاعدايىندا دا مىندەتتەردى ورىنداۋى ءتيىس. جاۋىنگەرلىك دايارلىق ەشقانداي جاعدايدا دا زارداپ شەكپەۋى ءتيىس. بىراق بىزدە بۇگىن كوپتەگەن ادامداردىڭ جينالۋىنا بايلانىستى جاپپاي ءىس-شارالار توقتاتىلدى. اسكەري قىزمەتشىلەردىڭ ءبىر بولىگى كەستەگە سايكەس دەمالىسقا جىبەرىلدى. جاۋىنگەرلىك دايىندىققا بايلانىستى ەمەس مىندەتتەردى، كەڭسە قىزمەتتەرىن ورىندايتىن ازاماتتىق پەرسونال قاشىقتىقتان ياعني ۇيدە جۇمىس ىستەيدى. كۇن سايىن اسكەري بولىمدەردەن تىسقارى شىعاتىن كەلىسىمشارت بويىنشا اسكەري قىزمەتشىلەردىڭ جاۋىنگەرلىك دايارلىعى بولىمدە تاۋلىك بويى بولاتىن مەرزىمدى قىزمەت اسكەري قىزمەتشىلەردەن بولەك جۇزەگە اسىرىلادى. مەرزىمدى قىزمەتتەگى اسكەري قىزمەتشىلەردى جانە اسكەري وقۋ ورىندارى كۋرسانتتارىن بوساتۋعا جəنە ولاردىڭ تۋىستارى مەن جاقىندارىنا بارۋعا تىيىم سالىنادى. بىراق ولارمەن قارىم-قاتىناس جاساۋ ءۇشىن سمارتفونداردى پايدالانۋ مۇمكىندىگى كەڭەيتىلدى. سوندىقتان، اتا-انالار تىنىشتىعى باستى نازاردا بولىپ وتىر.

باسشىلىق قۇرامنىڭ قاۋىپسىزدىگى ءۇشىن قوسىمشا شارالار قابىلدانا ما؟

-        جوق، بارلىق اسكەري قىزمەتشىلەر ءۇشىن كەشەندى ءىس-شارالار شتاتتىق رەجيمدە جۇزەگە اسىرىلادى: دەزينفەكتسيا، سانيتارلىق وڭدەۋ، جەكە تازالىق ەرەجەلەرىن ساقتاۋ بويىنشا ۇسىنىستار دا قاراستىرىلادى. بىراق، بارلىق كەڭەستەر تەك سەلەكتورلىق رەجيمدە وتكىزىلەدى. بۇدان باسقا، قورعانىس ءمينيسترىنىڭ ءوزارا الماستىرۋشى باسشىلارى مەن ورىنباسارلارى اراسىنداعى تىكەلەي بايلانىستار الىنىپ تاستالدى. وسىعان ۇقساس ەرەجەلەر قورعانىس مينيسترلىگىنەن جەكە اسكەري بولىمگە دەيىن باسقارۋدىڭ بارلىق دەڭگەيلەرىندە ەنگىزىلدى. بۇل ساقتىق شارالارى مەملەكەتتىك قاجەتتىلىك ماقساتىندا ۇيىمداستىرىلعان قارۋلى كۇشتەردىڭ ۇزدىكسىز جۇمىس ىستەۋىن قامتاماسىز ەتۋگە باعىتتالعان. بۇل جاعدايدا جاۋىنگەرلىك قابىلەتتىلىكتى ساقتاۋ - اسكەري عىلىم مەن تəجىريبەسىنىڭ تالاپتارىنىڭ ءبىرى بولىپ سانالادى.

وسى ءىس-ارەكەتتەر الگوريتمى الدىن الا قاراستىرىلعان جانە قازىر ىسكە اسىرىلدى.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار