«سوڭعى تاۋلىكتە ەلوردادا ىندەت جۇقتىرعان 14 ادام تىركەلدى. ونىڭ ىشىندە 9-ى كارانتيندە ستاتسيوناردا بولعاندار. ۇشەۋى بۇرىن تىركەلگەن ادامدارمەن بايلانىستا بولعان ازاماتتار. بىرەۋى 25 ناۋرىزدا نۇر-سۇلتانعا ۇشىپ كەلگەن. بەسەۋى ستاتسيوناردا پنەۆمانيا كۇدىگىمەن وتكىر جرۆي-مەن جاتقان ناۋقاستار. ال قالعاندارى – كوروناۆيرۋس بويىنشا جاعداي جايسىز ەلدەردەن ۇشىپ كەلگەندەردى قاداعالاۋ بارىسىندا انىقتالدى», - دەدى داۋرەن اباەۆ.
ونىڭ ايتۋىنشا, ولاردىڭ ءبارى قازىرگى ۋاقىتتا ينفەكتسيالىق ستاتسيونارعا جاتقىزىلعان. قازىر ولارمەن بايلانىستا بولعانداردى وقشاۋلاۋ جۇمىستارى جۇرگىزىلۋدە.
«سوڭعى ۋاقىتتا ازاماتتاردىڭ كوشەگە شىعۋىن تەجەۋ بويىنشا جيىرماعا تارتا سۇراق كەلىپ ءتۇستى. بۇل سۇراق مەملەكەتتىك كوميسسيانىڭ قاراۋىندا. بۇگىن كوميسسيا وتىرىسى وتەدى. ناتيجەسىن باق-تا جاريالايمىز», - دەدى ول.
