ءبىلىم • 26 ناۋرىز، 2020

مەكتەپ ديرەكتورلارى جازالاندى

3097 رەتكورسەتىلدى

مەكتەپ ديرەكتورلارىنىڭ تارتىپتىك جازاعا تارتىلۋىنا پاندەميا كەزەڭىندە مۇعالىمدەردى جۇمىسقا شىعۋعا مىندەتتەگەۋى سەبەپ بولعان.
كوكتەمگى دەمالىس ۋاقىتىندا پەداگوگتەردىڭ قاشىقتان قىزمەت ەتەتىنى جانە ەڭبەك اقىسىنىڭ تولىق ساقتالاتىنى تۋرالى بۇعان دەيىن ءسوز ەتكەنبىز.

COVID-19 جۇقتىرۋ قاۋپىن ازايتۋ بويىنشا شارالاردى كۇشەيتۋ اياسىندا قابىلدانعان ءبىلىم جانە عىلىم ءمينيسترىنىڭ بۇيرىعىنا سايكەس، 16 ناۋرىزدان باستاپ ەلىمىزدەگى بارلىق پەداگوگ كوكتەمگى دەمالىس ۋاقىتىندا قاشىقتىق رەجيمىندە جۇمىس ىستەيدى. الايدا كەيبىر مەكتەپ باسشىلارى مۇعالىمدەردى جۇمىسقا شىعۋعا مىندەتتەگەن.

«مۇنداي جاعداي، اسىرەسە، تۇركىستان جانە الماتى وبلىستارىندا بوي العانى انىقتالدى. ۇستازداردى جۇمىسقا شاقىرتقان مەكتەپ باسشىلارىنا تارتىپتىك جازا قولدانىلدى.

پەداگوگتەر ادىستەمەلىك جانە كانيكۋلدان كەيىنگى ساباققا دايىندىق جۇمىستارىن  قاشىقتان اتقارۋى ءتيىس. سونداي-اق، پاندەميا كەزەڭىندە پەداگوگتەردىڭ ەڭبەك اقىسى تولىق كولەمدە ساقتالادى، ياعني ۇيدەن جۇمىس ىستەۋ ۇستازداردىڭ ايلىعىنا اسەر ەتپەيدى»، دەلىنگەن ءبىلىم جانە عىلىم مينيسترلىگى ءباسپاسوز قىزمەتىنىڭ حابارلاماسىندا.

ايتا كەتەيىك، توتەنشە جاعاداي جاريالانعان 16 ناۋرىزدان باستاپ جوو مەن كوللەدجدەردەگى وقىتۋشىلار دا قاشىقتان جۇمىس ىستەۋگە كوشكەن بولاتىن. سوندىقتان ولار دا پاندەميا كەزىندە وقۋ ورنىنا قاتىناماۋى قاجەت. 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار